Салбар : Анагаах ухаан, эрүүл мэндийн шинжлэх ухаан
Төслийн дугаар : 24200669
Төслийн төрөл : Хамтарсан төсөл
Хугацаа: 2009-2012
Санхүүжилт: 78300.00 мян.төг
Түлхүүр үг : Гар, хөл, амны өвчний дэгдэлт, энтеровирүс EV-71, рекомбинант аденовирүс
Үр дүн
1. Полиомиелитийн лабораторид ялгасан 10 вирүсийн омогт ПГУ-ын аргаар бүгд EV71 эерэг гарсан ба удамзүйн зураглалаас харахад Монголд гарсан Гар Хөл Амны Өвчний дэгдэлтийн үеийн үүсгэгч нь С генотипт, түүний С2 дэд генотипт хамаарч байгааг нарийвчлан тодорхойлов.
2. Монгол дахь энтеровирүс EV71-ийн 2008, 2009 оны молекул тархвар судлалын анализ хийж, бусад орнуудад гарсан дэгдэлтийн үед ялгасан 15 омогтой монголын омгууд харьцуулахад С2 генотипт хамаарах нь тодорхойлогдсон ба Оросын 2009 оны омогтой ойролцоо шинж чанартай байв.
3. EV71-ийн VP1 ген агуулсан рекомбинант аденовирүсийн EV71-ийн халдвараас хамгаалах идэвхийг хулганад судалахад үүссэн эсрэг бие нь саармагжуулах үйлдэл үзүүлэхгүй байлаа. Харин халдварын оношлох фермент холбоот урвалын оношлуурыг бүтээж болохыг тогтоов.