Тэмээний сүүний уургийн судалгаа
Салбар : Инженерийн ухаан, технологи
Төслийн дугаар :
Төслийн төрөл : Хамтарсан төсөл
Хугацаа: 2011-2014
Санхүүжилт: 54000.00 мян.төг
Түлхүүр үг : хоёр бөхт ингэ, сүүний уураг, шар сүү, фермент, пептид
Үр дүн
1. Тосгүйжүүлсэн хоёр бөхт ингэний сүүнээс рН 4.6 орчинд казеины бүлгийн уургийг тундасжуулан улмаар сульфат аммонийн 50%, 60%-ийн ханасан уусмалаар шар сүүний уургуудыг бүрэн тундасжуулах боломжтойг тогтоов. ДЭА-целлюлоз дүүргэгчтэй ион солилцлын хроматографийг ашиглан 14 кДа молекул жинтэй альфа-лактальбуминыг ялгав.
2. Ингэний шар сүүг хоёр шатлалтай ферментэт гидролизод оруулан ультрафильтрацийн мембранаар фракцлахад 10кДа доош молекул масстай пептидүүд 70.8%-ийг эзэлж байсан нь үнээний шар сүүнийхээс даруй 1.7 дахин их байв.
3. Ингэний шар сүүний уургийн гидролизын бүтээгдэхүүний антиоксидант идэвхийг DPPH чөлөөт радикал дарангуйлах IC50 утгаар илэрхийлэхэд 5.6±0.6 мг/мл байгааг үнээний сүүний шар сүүнээс гарган авсан бүтээгдэхүүнтэй харьцуулахад 2.5 дахин өндөр байна. Мөн түүнчлэн хоёр бөхт ингэний шар сүүний уургийг пепсинээр задлахад Pseudomonas aeruginosa бактерийн эсрэг идэвх цаг цагаар нэмэгдсэн ба Enterococcus faecalis бактерийн эсрэг идэвх гидролизийн 3 дахь цагаас илрэн 4 дэх цагт максимумдаа хүрч буурсан ажиглагдлаа.