Кидан улсын үеийн Монголын тал нутгийн эдийн соёл
Салбар : Нийгмийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2010-2011
Санхүүжилт: 2,000.0 мян.төг
Түлхүүр үг : Хэрмэн дэнж балгас, уйгур, кидан, бохай
Үр дүн
1. Булган аймгийн Дашинчилэн сумын нутаг дахь Хятаны үеийн Чин толгой балгасны орчин тойронд хайгуул судалгаа явуулж, илэрсэн эдийн соёлын дурсгалуудад хэмжилт, тодорхойлолт хийсэн. Дээрх тодорхойлолт, хэмжилтэд тулгуурлаж, бас сурвалж бичгийн мэдээ заалтыг ашиглан, Чин толгой балгас бол зөвхөн хятаны төдийгүй, уйгур, бохай нарын эдийн соёлын биет олдворыг ямар нэг хэмжээгээр хадгалсан хот байх бололцоотой гэдэг таамаглалыг дэвшүүлсэн.
2. Булган аймгийн Бүрэгхангай сумын нутагт буй эмгэнтийн хэрэм хэмээх эртний балгасанд он цаг, эзэн холбогдогчийг тодруулах хайгуул судалгаа явуулж, энэ балгас нь Хятан улсын үед баригдсан бөгөөд тэгэхдээ өнөөгийн солонгосчуудын дээдэс болох Бохай нарын уран барилга, хот байгуулалтын хэв шинжийг хадгалсан хот болохыг илрүүлэн тогтоосон. Энэ нь цаашид уг балгасыг гүзгийрүүлэн судлах, бусад хот сууринтай харьцуулах боломжийг буй болгосноороо ач холбогдолтой болсон.
3. Монгол нутаг дахь эртний хятан улсын үеийн эдийн соёлын зарим өвөрмөц талыг тодруулахын тулд хүннүгийн зарим балгастай танилцан тэдгээрийн хот байгуулалт, хотын соёлын зарим ялгааг тодотгохыг оролдсон болно. Энэ оролдлого нь Монгол нутаг дахь эртний нүүдэлчдийн эдийн соёлын байдал, ялангуяа эртний хотуудын цахим бүртгэлийг хийх угтвар ажил болсон юм.