Даяаршлын нөхцөл дэх Монгол, Оросын соёлын бие даасан байдал ба харилцан нөлөөлөл /эрдэм шинжилгээний бага хурал, семинар/
Салбар : Нийгмийн шинжлэх ухаан
Төслийн дугаар : 17000073
Төслийн төрөл : Хамтарсан төсөл
Хугацаа: 2008-2008
Санхүүжилт: 1500.00 мян.төг
Түлхүүр үг : Орос- Монгол соёл, орон зай, Европ, Америк, Хятад, Япон, Солонгос, даяаршил
Үр дүн
Нэгдүгээр үе шат: 2008 оны VI-X сард хоёр орны судлаач, багш, эрдэмтэд өөр өөрийн сонгосон сэдвийн хүрээнд судалгаа хийж, судалгааны үр дүнгээр Монголын Соёл урлагийн их сургуульд лекц, уншиж, уулзалт, семинари зохион байгуулав. Үүнд, монголын талаас Ж. Долгорсүрэн, Б. Баяраа, Ш. Эрдэнэцэцэг, С. Урантөгс, Оросын талаас В. М. Дианова, Т. Г. Туманян, И. Г. Ланцова нар идэвхитэй оролцож СУИС-ийн багш, магистрант, докторантуудад “Соёл судлалын онол, арга зүйн чиг хандлага”, “Даяарчлалын нөхцөл дэх соёл хоорондын харилцааны тулгамдсан асуудлууд”, “Соёлын олон төрөл зүйлийг хамгаалах технологийн дэвшил” сэдвээр лекц уншиж, залуу судлаачдад зөвлөлгөө өгөв.
Хорёрдугаар үе шат: Санкт-Петербургийн Улсын их сургууль, Монголын Соёл урлагийн их сургуулийн эрдэмтэн, судлаачид, багш нарын хамтарсан эрдэм шинжилгээний хурлыг 2008 оны 11 сарын 27-28-нд ОХУ-ын Санкт-Петербург хотноо хийж дараах асуудлуудыг хэлэлцэв. Үүнд:
- Орос, Монголын соёлын өвөрмөц байдал, соёлын олон төрөл зүйлийн харилцааны ач холбогдол
- Дэлхийн түүх, соёлын хөгжилд Орос, Монголын ард түмнүүдийн үндэсний соёлын гүйцэтгэх үүрэг, ач холбогдол
- Даяарчлалын нөхцөлд соёл хоорондын харилцааны идэвхитэй хөгжлийн үр дүнд бий болсон соёлын олон янз байдлын улмаас үүсэх эерэг үр дагавар
- Хоёр орны нийгэм, соёлын хөгжил, соёлын бодлого, түүний хэрэгжилтэд өгөх үнэлгээ, даяарчлалын үр дүнд угсаатны ижилсэх, ойртон нэгдэх үйл явц, үндэсний соёлын хадгалалт хамгаалалтад гарч буй сөрөг үр дагавар, дэвшилттэй арга зам, гарц.
- Оросын Монгол судлалд гарч буй ахиц, тулгамдсан асуудлууд