Монгол, ОХУ-ын умард европын хэсгийн ургамлын аймаг, ургамалжилт
Салбар : Нийгмийн шинжлэх ухаан
Төслийн дугаар : 17000073
Төслийн төрөл : Хамтарсан төсөл
Хугацаа: 2007-2008
Санхүүжилт: мян.төг
Түлхүүр үг : моносахарид, полисахарид, гликозидын холбоо, пектин, мономер бүрдэл, галактуроны хүчил
Үр дүн
1. Нарийн навчит хөвөн оройт ургамлаас ялган авсан пектин полисахаридад галактуроны хүчлийн хэмжээ 77.46%, нийт моносахаридын хэмжээ 9.34% байгаа ба ксилоза моносахарид илрээгүй бусад моносахаридууд рамноза, галактоза, манноза, глюкоза, арабиноза илэрсэн байна.
2. Зохимон ургамлаас ялган авсан пектин полисахарид нь 77.4-92.03%-ийн цэвэршилттэй маннозаас бусад моносахаридыг агуулсан ба рамноза, глюкоза, харьцангуй бусад моносахаридаас их 4.22-6.59% болохыг тогтоолоо.
3. Мэхээрийн үндсэнд хүний бие организмд зайлшгүй шаардлагатай өндөр молекулт нүүрс-ус болох эслэг (6,74 %), цардуул (22.8 %)-ын агууламж харвцангуй өндөр байв. Мэхээрийн үндэснээс ялгасан пектины полисахаридад моносахаридын агууламж бусад ургамлаас ялгасан пектины полисахаридын агууламжаас бага 6.84% буюу рамноза, галактоза, арабиноза илэрсэн, бусад моносахаридууд илрээгүй. Галактуроны хүчлийн хэмжээ 87,29% байв.
4. Бадаанаас ялган авсан пектин нь галактуроны хүчлийн агууламж өндөртэй (88,11%) байна. Мөн рамноза, галактоза, арабиноза, глюкоз зэрэг моносахарид илэрсэн байна.
5. Балдарганын пектины полисахаридад галактуроны хүчлийн хэмжээ 79,25%, моносахаридын хэмжээ харьцангуй бага 6,41% болохыг тогтоолоо.
6. Азарганы үндэснээс ялгасан нүүрс-усны уусдаг полисахарид-2 фракцид моносахаридын хэмжээ харьцангуй их (50.3%) байгаа бөгөөд арабиноза, галактоза зонхилон агуулагдсан байна. Мөн Пектин-1 фракцад галактуроны хүчлийн хэмжээ 67.9%, нийт моносахаридын хэмжээ 13.49%, моносахаридуудаас галактоза, арабинозийн хэмжээ бусад моносахаридуудаас их байв. Гарган авсан пектины полисахаридад галактуроны хүчлийн хэмжээ 93.5% болон 95.1% байгаа нь пектинийг бараг цэврээр ялган авсан.