Төв Азийн атриат бүсийн герцинидийн бүтцийн онцлог, үүсч бүрэлдсэн зүй тогтол /Баруун өмнөд Монголын герцинидийн маагмын бүрдлийн судалгааг геологи, изотон геохими, геохронологийн шинжилгээний үр дүнд түшиглэх
Салбар : Байгалийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2013-2014
Санхүүжилт: 8000.00 мян.төг
Түлхүүр үг : Алтайн чанд дахь говь, сонгины өргөгдөл Тарвагтайн кембр, геологийн нас, бүрдэл, тогтоц, найрлага
Үр дүн
1. Дарив, Хөнхөхийн нурууны венд кембрийн офиолит эвшлийн бүрэн зүсэлтийн зонхилох давхрагын чулуулгаас дээж сорьц авсан нь эртний далайн соронзон орны байршилт, хурдас хуримтлагдсан анхны чиглэл, чулуулгийн эрдэслэг бүрэлдэхүүний геохимийн найрлага, геологийн насыг зөв тогтоох боломж бүрдэв.
2. Нуурын бүсийн коллизийн өмнөх бүх хурдсыг тухайлбал офиолит эвшил нь үеллэг перидотит, пироксенит, гарбброогийн бүрдлээс, вулканоген хурдас нь бөмбөлөг базальт, ховороор туффитийн үелэлтэй болох зэргээр бүх хурдсы литологийн бүтцийг илрүүлэн судалж үүсч бүрэлдсэн геодинамикийн орчин нь арлан нум, захын тэнгисийн орчин болохыг тогтоосон.
3. Ханхөхий, Сээрийн нуруу, Нуурын бүсийн зонхилох бүрдлийн геологийн стрүктүүрийг судалж ихэнх хурдсын үелэл нь эгц босоо уналттай, нилээд районд флексур, хэвтээ атриа зонхилсон, атрианы нугас нь жишүү болохыг илрүүлсэн.
4. Ханхөхийн районд зүүн хэсэгтээ офиолит эвшил, бөмбөлөг базальт зонхилсон байхад төв хэсэгтээ цахиурлаг-шохойлог-терриген-вулканоген бүрдэл, баруун хэсэгтээ терриген хурдас давамгайлан тархсан нь Нуурын бүсийн нийт бүрдэл бүслүүрлэг тогтоцтой гэж үзлээ.
5. Судалсан талбайн аккрейцын өмнөх бүрдлүүд нь суурилаг, хэт суурилаг, гранитын олон тооны биетээр нэвчин субвулкан дэл судал, сил маягийн бяхалтын биетүүдээр зүсэгдэн үл нийцлэгээр хучигдсан болохыг илрүүлсэн.
6. Сэдэв хэрэгжүүлэх хугацаанд бий болсон дээр дурдсан шинэлэг өгөгдлүүд нь тус сэдвийн гүйцэтгэгчдийн боловсруулж ОХУ-н ШУА-ны “Вестник краунд науки о земле” 2012. №1, выпуск№19, с-11-21., “ДАК” 2013 №1 ., “Геология и геофизика” зэрэг шинжлэх ухааны зонхилох сэтгүүлүүдэд 3 өгүүлэл хэвлүүлэв.