Энергийн хэмнэлттэй дулааны хоолойн дулаан солилцуурын хэрэглээ судалгаа
Салбар : Инженерийн ухаан, технологи
Төслийн дугаар :
Төслийн төрөл : Хамтарсан төсөл
Хугацаа: 2015-2016
Санхүүжилт: 8000.00 мян.төг
Түлхүүр үг : пародинамик термосифон, дулааны хоолой, гравитацийн тогтмол, дулааны урсгал, урсгалын нягт, хувийн энерги, дулаан солилцооны коэффицент, сийрэгжилт, конденсаци, фазын шилжилт, критик утга
Үр дүн
1. БДМС-ны институтийн лаборатори (лаборатория пористых тел)-д хийгдсэн дулаан-массын солилцооны судалгааны ажлуудтай танилцаж, судлаачидтай хамтран цаашид хийгдэх судалгааны ажлын төлөвлөгөөг тохирцож, аргачилалыг сонгосон.
2. “Дулааны хоолой” сэдэвт олон улсын хурал семинарьт оролцож, БДМС-ны институтийн лаборатори (лаборатория пористых тел)-т хийгдэх судалгаа, туршилтын стендийн загварын ажлын зураг, зохиомжийн өөрчлөлт, багаж хэрэгслэлийн найдвартай ажиллагааг сайжруулах зэрэг шинэчлэсэн аргачилалыг боловсруулсан.
3. Загвар хоолойн урт 100мм, гаднах диаметр 20 мм, ханын зузаан 2 мм болно. Нэг дэх хоолойн дотор талыг 0,1-0,3 мм бүрхүүлтэй, хоёр дах хоолойн дотор талыг сайн зүлгэж, өнгөлгөө хийснээр зохиомжийн ялгаатай болно. Мөн дулааны хоолойн дотор талд нарийн суваг үүсгэн 2 дах хоолойг байрлуулан зураг төслийг боловсруулсан.
4. Термосифоныг бүтээхдээ зэвэрдэггүй хоёр ган хоолойн доод хэсгийн завсараар халсан ажлын шингэн ууршин өөрийн даралтаар хөөрч, хоолойн дээд хэсэгт хүрээд конденсацилагдан шингэн төлөвт буцаж орж, циклийн процессоор дахин уур-шингэн төлөвт шилжих дулаан солилцуурын загварыг зохион бүтээсэн болно.
5. Термосифоны загварыг төрөл бүрийн горимд туршилт явуулж болохоор сонгосон;
6. Дулааны хоолойн дотор талд бүрхүүл хийж, дээрх загваруудын сери туршилт явуулснаар уур үүсгэх процессыг тогтвортой болгож буйг тогтоов;
7. Ажлын шингэнд нэрмэл ус ашигласан. Термсифоны загварыг төрөл бүрийн горимд туршилт явуулж болохоор сонгосон; Энэ шинэ загвар нь дулааны хоолойн дулаан дамжуулах эффектыг 13-17%-иар өссөн нь туршилтаар тогтоогдсон болно;
8. Дулааны урсгалын туршилтын диапазон дах цагираган сувгийн ханын периметрийн дагуух температурын тархалт болон конденсаторын ханын температурыг холбогдох илэрхийллүүдээр илэрхийлж, полярный диаграмм байгуулан плёнкон конденсатын урсгалын горимыг хамгийн сайн тохируулах боломжтой болно.
9. Дулааны хоолой бүхий нарны коллекторын халаалтын системийн технологийн судалгааг хийж, монгол гэрийн дулаан хангамжинд цахилгаан халаагууртай хослуулж ашиглах туршилт хэмжилтийг хийж, монгол гэрийн халаалтыг хүйтний улиралд 0.7– 2.7 кВт*ц ч цахилгаан халаагууртай хосолсон нарны халаалтын систем туршив. Дулааны хоолой бүхий нарны коллектор нь гэрийн дулааны ачааллын 12, 1 сард 30 орчим хувийг, 11, 2 сард 40 орчим хувийг, 10, 3 сард 50-аас дээш хувийг хангаж байна.