Салбар : Байгалийн шинжлэх ухаан
Төслийн дугаар : 1700529
Төслийн төрөл : Хамтарсан төсөл
Хугацаа: 2009-2010
Санхүүжилт: 9,000.0 мян.төг
Түлхүүр үг : Эртний ургамал, харофита, эртний ургамлын мужлал, уур амьсгал, мезозой, нүүрс
Үр дүн
1. Өмнөх судалгаагаар бидний судалгааны талбай эртний ургамлын газарзүйн мужлалын Хойд Хятадын бүсчлэлд хамаарч байсныг энэхүү судалгаагаар Баруун Сибирийн бүсчлэлд хамаарагдах сэрүүн уур амьсгалд ургаж байсан ургамал болох нь тогтоогдсон. Иймд Баруун Сибирийн бүсчлэлийн хил заагийг урагшлуулж байгаа нь шинжлэх ухааны том үр дүн болж байна.
2. Анх удаагаа юра ба доод цэрдийн нүүрстэй буюу нүүрсгүй хурдасны ургамлын систематик бүрэлдэхүүнийг судалж агуулагч чулуулгийн насыг нь нарийвчилсан. Эртний ургамлын цогцолборын судалгаагаар Төв Монголын хувьд хамгийн эртнийх нь Бахар олдворт газрын Тогоо худаг зузаалаг доод юрийн хожуу үед, Цагаан Овоо нүүрсний уурхайн ургамал дунд юрийн доод хэсэгтэй харьцуулагдаж байгаа. Бахарын Оорцог зузаалаг арай залуу дунд юрийн төгсгөл – дээд юрийн эхэн үеийн ургамлыг агуулж байгаа.
3. Анх удаагаа Бахар олдворт газрын Тогоо худаг, Оорцог зузаалгаас ургамлын асар баялаг олдворыг илрүүлсэн. Цэрдийн настай Бөөн цагаан, Бахар, Эрдэнэ уул, Цагаан овоо олдворт газруудын олдворуудын бүрэлдэхүүнийг өргөжүүлэн баяжуулсан.
4. Ургамлын бүрэлдэхүүний судалгаагаар доод - дунд юрийн цаг үед Төв Монголд сэрүүн эсвэл дундаж дулаан уур амьсгалтай байсныг тогтоож байна.
5. Анх удаагаа Багануурын нүүрсний уурхайн ургамлын судалгааг явуулсан. Ургамал нь насны хувьд доод цэрдийн баррем-аптын төвшин бөгөөд цогцолборын хувьд шилмүүст, нүцгэн үрт болох гингко, чекановски төрлүүдээс тогтоно. Тухайн цаг үед уг район ургамлын цогцолбороор Сибирийн /Сибир-Канадын/ эртний ургамлын мужлалд хамаарч байгааг тогтоолоо.