Төв Азийн атираат бүсийн базит гипербазитийн ба хар занарын комплекс чулуулаг дахь эрхэм металлуудын эрдэсжилт /Монголын ба Алтай-Саяны сектор/
Салбар : Байгалийн шинжлэх ухаан
Төслийн дугаар : 9070002100
Төслийн төрөл : Хамтарсан төсөл
Хугацаа: 2008-2009
Санхүүжилт: 4.0 мян.төг
Түлхүүр үг : эрхэм металл, платин, гипербазит, хар занар, геологи
Үр дүн
1. Монголын хойд хязгаарт Шишгэдийн гипербазитийн массивын зах газарт 100 орчим км2 талбайд алт агуулсан хар занар чулуулгийн хурдас тархсан болохыг тогтоов. Мөн Хөвсгөл аймгийн Баянзүрх, Цагаан уул сумын нутагт хар занарын зузаалгын илрэлт газруудад геологи минералогийн төрлийг тодруулав.
2. Баянхонгорын бүсэд хар занарын чулуулгийг судлан түүний минералоги, хүдэржилтийн талаар шинэ мэдээ баримт цуглуулан боловсруулалт шинжилгээ
хийв.
3. Алтны хүдэржилт бүхий нүүрслэг занар, цахиурлаг хурдас болон офиолит комплексийн базит-гиперабазит чулуулгийн тогтоцыг Баянхонгор, Баянгол, Шишгэд, Хантайшир, Өмнөговийн бүс, Тувагийн нутагт илрүүлэн судалж чулуун материал цуглуулан орчин үеийн физик геохимийн оновчтой аргуудаар шинжлэн
боловсруулав.
4. Эдгээр судалгааны ажлын үр дүнд Төв Азийн атираат бүсийн төв хэсгээр тархсан базит-ультрабазит ба хар занарын комплекс чулуулгийн эрхэм металлын
хүдэржилтийн асуудлыг нилээд тодруулсан болно. Дээрх геологи минералогийн судалгааны үр дүнд Монголын нутаг дэвсгэрийн Платины хүдэржилтийн талаар ерөнхий төсөөлөл бий болж байна.