Гадаргуун геометр болон оновчтой сэргээлтийн экстремаль бодлогууд
Салбар : Байгалийн шинжлэх ухаан
Төслийн дугаар : 9070002062
Төслийн төрөл : Хамтарсан төсөл
Хугацаа: 2007-2008
Санхүүжилт: 9,000.0 мян.төг
Түлхүүр үг : гадаргуу, компакт, метрик, огторгуй, лобачаевскийн геометр, евклид биш геометр
Үр дүн
1. Бэлчээрийн гадаргуу, өвсний нягт, усалгааны цэгүүдийн олонлог, гэрийг оновчтой байршуулах бодлого зэрэг ойлголтуудыг функционал анализын хүрээнд томъёолж олон тооны теоремуудыг баталж, тодорхой бодлогуудыг зохиож бодсон болно.
2. Ф.Кларк, Кашинов нарын Дидоны хугаралттай муруйн бодлогуудыг олон хувилбараар өргөтгөж бодсон.
3. Таван хошуу малын хөдөлгөөнөөс улбаалан шатрын тэрэг, тэмээ, морь, ноёны нүүдлүүдийг дүрсэлсэн дөрвөн тополог огторгуйнуудыг байгуулж геодези муруйнууд болон эллипсүүдийн хэлбэрүүдийг тогтооосон бол практик ач холбогдол нь шатрыг нүүдэлчид зохиосон гэдгийг онолын хүрээнд баталсанд оршиж
байгаа юм.
4. Чөдрийн зангилгааны уулзвар нь гурвалжны Торчиллын цэг мөн болохыг онол, практикийн хувьд баталсан болно.
5. Оросын математикчид, ах дүү Садовский нарын хурдан үйлчлэлийн бодлогыг өргөтгөн хурдан морины уралдааны загваруудад хэрэглэж шийдүүдийг олсон.
6. Лобачаевскийн геометрийн 2 загварыг бэлчээрийн хавтгай дээр зохион судалж, геодези муруйнуудын хэлбэрийг тогтоон, эллипсүүдийн тэгшитгэлийг гаргасан.
7. Гэр, майхан, сүмийн барилга зэрэг нүүдэлчдийн сууцнуудын оновчтой хэлбэрийг тогтоох бодлогуудыг бодсон.
8. Хуруу гаргалт, дэмбээ зэрэг тоглоомууд болон тэдгээрт оролцогч нарын сэтгэл зүйг загварчилсан болно.
9. Бэлчээрийн гадаргуун тухай онол, хурдан морины уралдаан, монгол ардын тоглоомын загварууд, нүүдэлчдийн сууцтай холбоотой шинэ бодлогууд томъ¸ологдож судлагдав.