Тува болон баруун монголын каледоны структурын зүй тогтол, гарал төслийн онцлог
Салбар : Байгалийн шинжлэх ухаан
Төслийн дугаар : 027
Төслийн төрөл : Хамтарсан төсөл
Хугацаа: 2007-2008
Санхүүжилт: 6,000.0 мян.төг
Түлхүүр үг : гранит, диорит, серпентинит, арлан нум, геодинамик, геохронологи, миланж, формаци, метаморфизм
Үр дүн
1. Баруун болон Төв Монголын нутагт магматизм, кайнозойн галт уул, базальт, хувирмал бүрдлийн судалгааг 6 тулгуур районд 4000 км гаруй зам туулан хээрийн
судалгаа хийж, анхдагч чулуулаг, геологийн ихээхэн мэдээлэл цуглуулж, олон шинэлэг дүгнэлтэд хүрэв.
2. Хээрийн судалгаагаар геохими, петрохими, минералоги, геохронологи, изотоп-геохимийн шинжилгээний 1544 кг жинтэй 65 уут дээж сорьц авч өндөр
нарийвчлалтай лабораторийн шинжилгээнд илгээв.
3. Монгол Алтай, Говь-Алтайн өврийн хувирмал террейны насыг өөрчлөн тогтоож, интрузив, плутон, вулканоген бүрдлийн анхдагч чулуулаг материал цуглуулж, эх газрын рифтийн 3 бүсийн структур-геологийн бүтэц, геодинамикийн хөгжлийн талаар олон шинэ дүгнэлт хийн, Хангай нуруунд 5 галт уул шинээр илрүүлж, Хан богдын шүлтлэг гранит, Хангайн боржингийн батолитын интрузив чулуулгийн эрдэслэг бүрэлдэхүүн, маагмын эх үүсвэр, геодинамикийн тогтоцын талаар ихээхэн мэдээлэлтэй, шинэ материал цуглуулав.
4. Шинээр 1 чулуулаг бүрхэвч тогтоож, 4 чулуулаг бүрхэвчийн бүтэц, геологийн хөгжлийн нас, тренд, аккреци, коллизийн процессын хөгжилт изотопын бүрэлдэхүүнийг тодорхойлов.