Барилгын дулаалгын хонины ноосон материал үйлдвэрлэх технологи, тоног төхөөрөмж, жишиг үйлдвэр
Салбар : Инженерийн ухаан, технологи
Төслийн дугаар : 9136584
Төслийн төрөл : Инновацийн төсөл
Хугацаа: 2010-2012
Санхүүжилт: 100000.00 мян.төг
Түлхүүр үг : Хонины ноос, дулаан тусгаарлагч, барилга, борын давс, материал, шивэх
Үр дүн
1. Хамгийн дээд тал нь 1,8 м өргөн, 50 мм зузаан, 0,40 гр/см3 нягт бүхий дулаалгын материал үйлдвэрлэх 8 төрлийн төхөөрөмж бүхий нэг шугамыг сонгон авсан ба ноосонд хорхой шавьжнаас хамгаалах боловсруулалт хийх, сэмлэх зэрэгт зориулсан 7 төрлийн төхөөрөмжийг дотоодоос худалдан авах буюу заримыг өөрсдийн хүчээр хийж, суурилуулсан.
2. Тоног төхөөрөмжийг суурилуулж, туршилт тохируулга хийж 2011 оны 9 дүгээр сард нээлт хийсэн
3. Дулаалгын материал үйлдвэрлэх туршилтын ажлыг үргэлжлүүлэн шугамын тоног төхөөрөмжүүдийн ажлын хурд, бүтээгдэхүүний урт, өргөн, зузааныг тохируулах, нэгж бүтээгдэхүүнд орох түүхий эд, туслах материалын орц, дамжлагын хаягдлын норм хэмжээг тогтоох ажлуудыг явуулав. Тоног төхөөрөмжүүдийн ашиглалтын зааврыг өөрийн нөхцөлд тохируулан, монгол хонины ноосоор дулаалгын материал үйлдвэрлэх технологийн зааврыг боловсруулж, эрдмийн зөвлөлийн хурлаар хэлэлцэн, батлан мөрдөж байна. Дулаалгын материалын хамгийн гол үзүүлэлт болох дулаан дамжуулалтын үзүүлэлтээр бусад төрлийн материалаас илүү байгааг тайланд хүснэгтээр харьцуулан үзүүлсэн болно.
4. “Дулаан тусгаарлах хонины ноосон материал” CS11-0176:2012 байгууллагын стандартыг боловсруулан, Стандарт хэмжил зүйн газарт бүртгүүлэн мөрдөж байна. Цаашдаа тодорхой хугацаанд үйлдвэрлэлээ явуулж, хэрэглэгчдийн санал хүсэлтийг судалж тусган, Улсын стандарт болгон батлуулахаар бэлтгэж байна.
5. 2011 оны 9 дүгээр сард хүлээн авсан.
Жилд 50,0 мянган м2 барилгын дулаалгын хонины ноосон материал үйлдвэрлэх хүч чадалтай