Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2010-2012
Санхүүжилт: 70000.00 мян.төг
Түлхүүр үг : Saccharomyces cerevisiae пивоны дрожж, фермент, малын цус, гемоглобин, идэвхтэй бэлдмэл, хоёрдогч түүхий эд
Үр дүн
- Үхрийн цусны дүрст элементүүдийг тундасжуулж, улмаар гемолизод оруулан мембран технологийн тусламжтайгаар гемоглобин субстанцийг гарган авах технологи боловсруулав. 30 кг туршилтын бүтээгдэхүүн гарган авч, физик химийн гол үзүүлэлтүүдийг тогтоов. Бэлдмэлийн гол үйлчлэх бодис нь төмөр бөгөөд найрлагадаа 206 мг% төмөр агуулж байгаагаас 152 мг% гем хэлбэрийн төмөр тул төмөр дутлаас үүдэлтэй цус багадалт өвчнөөс урьдчилан сэргийлэх эмчлэх бэлдмэл болгон үйлдвэрлэх үндэслэлтэй. Мөн түүнчлэн туршилтын амьтан дээр цус төлжүүлэх загвар үүсгэх аргыг боловсруулсан.
-Пивоны үйлдвэрийн хаягдал дрожжийг үхрийн нойр булчирхайн идэвхжүүлсэн комплекс ашиглан ферментэт гидролизод оруулан 0,6 хүртэлх задралын коэффициенттэй, 44-56%-ийн уургийн агууламжтай, гадаадын ижил нэрийн бүтээгдэхүүнтэй ойролцоо физик химийн шинж чанартай 40 кг бүтээгдэхүүн гарган авав. Бүтээгдэхүүн үйлдвэрлэх технологийн заавар боловсруулсны хамтаар шахмал эмийн хэлбэрт оруулах технологи болон хэрэглэх зааврыг боловсруулсан болно. Пивоны дрожжийн бэлдмэл нь эрүүл ахуй, аюулгүй байдлын үзүүлэлтийг хангаж байсан.
Фармакологийн туршилтаар бэлдмэл нь хоруу чанар багатай (LD50 2,5 г/кг), өөх тосны бодисын солилцоонд нөлөөлөх, элэгний эд эсийг гэмтлээс тодорхой хэмжээнд хамгаалах үйлчлэлтэй биологийн идэвхт бүтээгдэхүүн болохыг батлав.