Үнэт болон ховор элементүүдийг ялгах, цэвэршүүлэхэд ашиглагдах сонгомол шингээгч бэлтгэх, үйлдвэрлэлд нэвтрүүлэх
Салбар : Байгалийн шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2014-2016
Санхүүжилт: 68400.00 мян.төг
Түлхүүр үг : Сорбент, гидрометаллурги, зэс, хүдэр, баяжмал, уусгалт, цэвэршүүлэх, ялгах
Үр дүн
Уусмалаас зэсийн ионыг ялгах сонгомол үйлчилгээтэй шингээгч /сорбент/-ийг бэлтгэсэн. Уг шингээгчийг ашиглан “Эрдэнэт үйлдвэр” ХХК-ийн уурхайн хүчиллэг урсацаас катодын зэс гарган авах туршилт судалгааг гүйцэтгэв. Туршилт судалгааны үр дүнд үндэслэн хүчиллэг урсацаас катодын зэс гарган авах ТЭЗҮ боловсруулан “Эрдэнэт үйлдвэр” ХХК-ийн ерөнхий захирал, хөгжлийн хэлтэст хүлээлгэн өгсөн байгаа болно. Шинээр бэлтгэсэн сорбентийн шингээлтийн багтаамж нь 26г/л байсан бөгөөд бэлтгэсэн сорбентийг ашиглан уурхайн хүчиллэг урсацаас 99.999 % сорьцтой, 95 % металл авалттай катодын цэвэр зэс гарган авав.
- “Асгат”-ын мөнгөний хүдрийн баяжмалыг уусгалтанд оруулах тохиромжтой нөхцлийг тогтоож, уусгалтаас үүсэх уусмалаас зэс болон мөнгийг дангаар ялган авах туршилт судалгааг гүйцэтгэв. Мөнгө болон зэсийн сонгомол сорбентийг ашиглан 98,3%-ийн зэс авалттайгаар 99,99% цэвэршилттэй катодын зэс гарган авсан бол үлдэгдэл уусмалаас (бэлтгэсэн мөнгөний ионы сонгомол үйлчилгээтэй шингээгчийг ашиглан) мөнгийг ойролцоогоор 90% металл авалттайгаар шингээн авч 99,5%-ийн цэвэршилттэй дан мөнгө гарган авав.
Гарган авсан ренийг сонгомолоор шингээх шингээгчийг ашиглан “Эрдэнэт үйлдвэр” ХХК-ийн молибдений баяжмалаас ренийг ялгах, цэвэршүүлэх туршилт судалгааг гүйцэтгэж молибдений баяжмалын уусгалтаас үүсэх уусмалаас ренийн 94%-ийг шингээж авч улмаар ReO3 хэлбэрээр ялган авав.
“Мушгиа худаг”-ийн газрын ховор элементийн баяжмалыг уусгалтанд оруулах, уусмалаас ГХЭ-ийг нийлбэр байдлаар тунадасжуулах, буцаан уусгах, уусмалаас цери, лантан, бусад ГХЭ-ийг ялган авах туршилт судалгааг гүйцэтгэв. Дангаар ялган авсан церийн оксидын гарц 98%, цэвэршилийн зэрэг 92,76% байсан бол ялган авсан лантаны гидроксидын гарц 80,3%, цэвэршлийн зэрэг 85,1% байв.