Агаар сансарын механик инженерийн боловсрол ба агаарын тээврийн үйлчилгээ, хүрээлэн буй орчны хяналт шинжилгээнд ашиглах нисгэгчгүй нисэх аппарат бүтээж нэвтрүүлэх
Салбар : Инженерийн ухаан, технологи
Төслийн дугаар :
Төслийн төрөл : Инновацийн төсөл
Хугацаа: 2014-2016
Санхүүжилт: 150000.00 мян.төг
Түлхүүр үг : Нисгэгчгүй нисэх аппарат-ННА, зайн ба автомат удирдлага, турбо хөдөлгүүр, зайн тандан судалгаа, агаарын тээвэр-ложистик
Үр дүн
• Дотоодод: 35кг-аас дээш ачаа тээх зориулалттай сэнсэн хөдөлгүүрт ННА-40 ба ННА-60 загварын онгоцууд туршилт, судалгаанд хэрэглэгдээд сайжруулалт хийгдээд явж байна. 0,6-1кг хүртэлх ачаа даах чадвартай автомат нислэгийн туршилтын Pandora болон 3DR загварууд мөн сайжруулалт хийгдээд ашиглагдаж байна.
Мөн турбо хөдөлгүүрийн стенд угсрагдан туршилт, судалгаанд хэрэглэгдэж байна.
Гадаадад: Японы Нагаока Технологийн Их Сургуулийн хөдөлгүүрийн тосолгооны стенд, 4 тэнхлэгт компютер удирдлагатай суурь машин дээр боловсруулсан турбо хөдөлгүүрийн турбинт далбан бэлэн болж туршилтууд хийгдэж байна.
• Япон, Оросын холбооны улс, Америк зэрэг өндөр хөгжилтэй орнуудад томилолтоор ажиллан олон улсын эрдэм шинжилгээний хурлуудад оролцож мэдээлэл цуглуулан харьцуулсан судалгааг хийж гүйцэтгэлээ. Японы Кюшүгийн их сургууль, Чиба Технологийн их сургуулиудтай хамтран агаарын бөмбөлөг ашигласан 30-37км-ын өндрийн туршилт хийж, цаашид “Стратосфер давхрагыг судлах судалгааны төв” байгуулан дотоодын инженерийн чиглэлийн 2 сургуультай хамтран ажиллаж байна.
• Сар тутам ШУТИС дээр байрлах Японы ГИГАКҮ техно парк оффисийн телеконференци тоноглолоор дамжуулж судалгааны семинар явуулж ирсэн ба 2016 оны 9 дүгээр сард үр дүнгүүдээ нэгтгэн “Олон улсын агаарын бөмбөлөгийн анхдугаар симпозиум”-ыг зохион байгуулж оролцов. Үүнээс гадна Японы элчин сайдын яамнаас зохион байгуулсан олон улсын үзэсгэлэнд ННА-40, ННА-60 загваруудыг танилцуулж хамтран ажиллах боломжийн талаар дотоод гадаадын мэргэжилтэнүүдэд сурталчилгаа явуулав.
• Япон Нагаока Технологийн Их Сургуулийн профессор Я. Обиканэ, Т.Накаяма, Кюшүгийн их сургуулийн профессор Ш.Хигашино болон Чибагийн Технологийн Их Сургуулийн “Сансар судлалын төв” /Planetary Exploration Research Center/профессор Т.Мацуй тэргүүтэй эрдэмтэдийг урьж хамтарсан туршилт судалгааг Горхи дахь хээрийн судалгааны полигон зэрэг газруудаар дотоодын 3 сургуулийн оюутан багш нарыг хамруулан гүйцэтгэлээ.