Чингис хааны өлгий нутгийн түүх, археологийн дурсгалыг аялал жуулчлалын бүтээгдэхүүн болгох нь
Салбар : Нийгмийн шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2012-2014
Санхүүжилт: 70,000.0 мян.төг
Түлхүүр үг : Археологийн дурсгал, аялал жуулчлал, Чингис хааны өлгийн
Үр дүн
1. "Хөдөө арал" судалгааны төвд Чингис хаан ба Их Монгол улсын түүх, дурсгалыг танилцуулах үзмэрийн танхим нээж, идэвхитэй үйл ажиллагаа явуулж байна.
2. http://www.chinggishomeland.com хаягтай цахим хуудас нээн үйлчилгээнд оруулав.
3. Түүхэн дурсгалт газарт байрлуулах танилцуулгын самбарын загвар, Чингис хааны голомтын цогцолборын загвар гаргаж, Аваргын балгасын талбайд байрлуулав.
4. Аялал жуулчлалын томоохон компаниуд, менежер, хөтөч нарыг хамруулсан танилцуулга, олон талын төлөөлөл оролцсон ажлын уулзалт 2 удаа, "Чингис хааны өлгийн нутаг" тусгай сонирхолын маршрутыг танилцуулах аялалыг тур оператор компаниудын төлөөллийг оролцуулан зохион байгулав. "Жигүүр", "Женко тур", "Нью жуулчин", "Жуулчин", "Айрис Тур", "Бригатур", " Банзай дисковери", " Тэр их жуулчин" зэрэг компаниудтай хамтран шинэ маршрутын дагуу танилцуулах аялал зохион байгуулж, гадаад дотоодын жуулчдыг татах туршилтын бүтээгдэхүүн, ажил үйлчилгээ хийгдэж байна. Түүнчлэн төслийн үр дүнг ашиглан аймаг, сумдын удирдлага, аялал жуулчлалын бизнес эрхлэгчидтэй хамтран ажилласан бөгөөд 2015 оны 1,2-р сард "Хот төлөвлөлтийн хүрээлэн" ТББ, Хэнтий аймгийн ЗДТГ-тай хамтран "Хэнтий аймгийн хөгжлийн гарц" уулзалт арга хэмжээнд "Чингис хааны өлгий нутгийн аялал жуулчлалын шинэ маршрут, орон нутгийн бүтээгдэхүүн" сэдвээр үзэсгэлэн, танилцуулга Улаанбаатар хот болон Хэнтий аймагт зохион байгуулав.
5. Төслийн үр дүнд аялалын маршрутын газрын зураг, дурсгалын гэрэл зураг бүхий "Хэрлэнийн Хөдөө арлын түүх соёлын өв" номыг монгол, англи хэлээр хэвлүүлэв.
6. Мэргэжлийн газрын зургийн компанитай хамтран "Чинггис хааны өлгийн нутаг" аялал жуулчлалын газрын зургийн мэдээлэл цуглуулж, эх бэлтгэж хэвлүүлэв.
7. Төслийн үр дүнд аялалын маршрутын газрын зураг, дурсгалын гэрэл зураг бүхий "Чингис хааны өлгий нутгийн түүх соёлын дурсгал" номоо монгол, англи хэлээр хэвлүүлэв.
8. "Чингис хааны өлгийн нутагт тавтай морилно уу" аялалын маршрут , танилцуулга бүхий DVD /монгол, англи тайлбартай/ бэлтгэн хэвлүүлэв. "Урансофт" ХХК, Соёлын өвийн төвтэй хамтран Чингис хааны түүхэн дурсгалт зарим газруудын понарама виртуал бүтээгдэхүүн болгон ашиглаж байна.
9. "Чингис хааны өлгий нутгаар" танилцуулах ажлыг мэргэжлийн тур операторын комданиудын дунд зохион байгуулж, төслийн үр дүнг ажил хэрэг болгосон. Тур операторын компаниудтай хамтран "Чингис хааны өлгий нутагт тавтай морилно уу" танилцуулга монгол, япон, англи хэлээр хэвлүүлж олон улсад сурталчилсан.