Хеликобактерийн пилоринянгийн халдварыг илрүүлэх уряазын сорил бүтээн үйлдвэрлэх
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2011-2014
Санхүүжилт: 83200.00 мян.төг
Түлхүүр үг : Дундаж агууламж, Хеликобактер пилори, H.pylori нян, MON-HP, уреазийн түргэвчилсэн оношлуур, мэдрэг ба өвөрмөц чанар
Үр дүн
I. Төслийн хүрээнд хеликобактерийн халдварыг илрүүлэх MON-HP уреазийн түргэвчилсэн оношлуур үйлдвэрлэх технологийн зааврыг боловсруулан, тус зааврын дагуу шаардлагатай тоног төхөөрөмжийг сонгон авч суурилуулан жишиг үйлдвэрийг 2012 онд байгуулсан.
- Өндөр цэвэршилтэй түүхий эд ашиглан Хеликобактер пилори нянг оношлох “MON-HP уреазийн түргэвчилсэн оношлуур”-ын загвар бүтээгдэхүүнийг гаргав (Хавсралт 1).
- Стандартын Үндэсний Зөвлөлийн 2014 оны 12-р сарын 25–ны өдрийн хурлаар “MON-HP уреазийн түргэвчилсэн оношлуурын Ерөнхий шаардлага” Монгол Улсын Стандарт (MNS 6483:2014) батлуулсан (Хавсралт 2, 3).
- “Хеликобактер пилори илрүүлэх уреазийн түргэвчилсэн сорил” № 2303 тоот Монгол улсын Ашигтай загварын гэрчилгээг 2015 оны 06 сарын 27 ны өдөр Улсын бүртгэлд бүртгүүлсэн (Хавсралт 4)
- Төсөлт ажлын явц, гүйцэтгэл, судалгааны үр дүнг мэргэжлийн байгууллагуудын 10 удаагийн хурлаар хэлэлцүүлэн дэмжигдсэн (Хавсралт 15)
II. - H.pylori нянгийн идэвхтэй халдварыг илрүүлэх MON-HP уреазийн түргэвчилсэн оношлуурын өвөрмөц, мэдрэг байдлын судалгаа хийж АУ-ны Магистрын зэрэг хамгаалан нэг сэдэвт бүтээл туурьвисан судалгаагаар 1 цаг ба 3 цагийн дараах үр дүн гадаадын ижил төрлийн CLO болон “Алтан стандарт” оношилгоо болох эмгэг бүтэц зүйн шинжилгээтэй бүрэн нийцэлтэй. МON-HP оношлуурын 30 минут, 1 цаг, 3 цагийн дараах мэдрэг байдал 82.6%, 91.3%, 100%, өвөрмөц чанар 90.9%, 86.4%, 86.4% тус тус байна (Хавсралт 10).
- MON-HP уреазийн түргэвчилсэн оношлуурын өвөрмөц мэдрэг чанарыг шалгах хөндлөнгийн хяналт хийлгэхээр оношлуурын дээжээс Японы OITA их сургуулийн эрдэм шинжилгээний төвд хийлгэсэн нян өсгөвөр, CLO тесттэй харьцуулсан судалгаагаар мэдрэг чанар- 94.3%, өвөрмөц чанар 98.2%, каппа итгэлцүүр 0.9 буюу CLO тестээс илүү мэдрэг, өвөрмөц чанартай байсны зэрэгцээ нян өсгөвөрлөх шинжилгээгээр 100% мэдрэг болохыг тогтоосон (Хавсралт 11).
- Судалгааны үр дүнгээр 3 өгүүлэл дотоодын хэвлэлд, 5 илтгэл гадаадын хэвлэлд, 2 илтгэл дотоодын хэвлэлд тус тус нийтлүүлсэн (Хавсралт 16-17)
III. Хеликобактер пилори нянг илрүүлэх уреазийн түргэвчилсэн оношлуур 2012-2014 онд 2000 ширхэг үйлдвэрлэн, тогтвортой байдал, мэдрэг өвөрмөц чанарыг тодорхойлох, оношлуурын хөндлөнгийн хяналтын шинжилгээг гүйцэтгэн, дуран болон гастроэнтерологийн мэргэжлийн эмч нарт оношлуурыг хэрэглэх заавар, аргачлалыг танилцуулах сургалт 3 удаа зохион байгуулж, зарим эмнэлгийн дурангийн тасгуудад судалгаа шинжилгээний зорилгоор хэрэглэж эхэлсэн. (Хавсралт 12-14, Хүснэгт 11).