Салбар : Хөдөө аж ахуйн (ХАА) шинжлэх ухаан
Төслийн дугаар : 9022163
Төслийн төрөл : Инновацийн төсөл
Хугацаа: 2017-2019
Санхүүжилт: 90,000.0 мян.төг
Түлхүүр үг : Буурцагт ургамал, таримал, сорт, үр, хөрс, үржил шим
Үр дүн
1.Монгол орны нөхцөлд нутагшсан вандуйн Баялаг сортын 45.0 тн, шар буурцгийн OAC Vision сортын 8.5 тн нийт 53.5 тн сортын үр үржүүлж 9 аж ахуйн нэгжид нийлүүлж тариалалтыг 385 га-гаар нэмэгдүүлэв.
2.Судалгаагаар шалгарсан 8 төрлийн буурцагт таримлын 20 сорт хамрагдсан үзүүлэх талбар байгуулж 2019 оны 8-р сард судлаач, тариаланч, бүтээгдэхүүн үйлдвэрлэгч, хэрэглэгч 100 гаруй оролцогч оролцсон үзүүлэх сургуулийг зохион байгуулав.
3.Манай орны цаг уурын нөхцөлтэй харьцангуй төстэй Канадын 5 төрлийн таримлын 12 шинэ эрчимжсэн сортыг захиалан авч таримал судлал болон сорт судалгааг гүйцэтгэв.
4.Төслийн үргэлжлэх хугацаанд тарилтын өмнө, цэцэглэлтийн үед, хураалтын дараа хөрснөөс дээж авч агрохимийн 7, агрофизикийн 3, микробиологийн 6 нийт 16 үзүүлэлтээр шинжилгээ хийж үр дүнг гаргав.
5.Вандуй, шар буурцаг тариалах үндэслэл, тэдгээрийн хөрс, цаг уурын нөхцөлд тавих шаардлага, тариалах технологийн болон үрийн тариаланд анхаарах асуудлууд, буурцагт ургамал бордох зэрэг агуулгаас бүрдсэн вандуй, шар буурцгийн тарих үрийн чанарын стандарт болон сүүлийн жилүүдэд шалгарсан сортуудын танилцуулгыг хавсаргасан 1 технологийн зөвлөмж боловсруулав