Экспортын зориулалтаар хурганы мах үйлдвэрлэх өсөлтийн физиологид суурилсан технологи нэвтрүүлэх
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2017-2018
Санхүүжилт: 77,300.0 мян.төг
Түлхүүр үг : эр хурга, эрт ялгах, хожуу хөнгөлөх, экспорт, пробиотик
Үр дүн
1.Эр хургыг эхээс эрт ялгаж бэлчээрээр таргалуулах ерөнхий фон дээр тарту аргаар хожуу хөнгөлөх технологийг хэрэгжүүлсэнээр хурганы амьдын жин 33-35 кг-д хүрч, хяналтынхаас толгой тутамд 2кг-аар илүү нэмэгдүүлэв. Маханд нийлүүлэх эр хургыг намар орой, төхөөрөх хугацааг угтуулан сарын өмнөөс “Лактобактерин СТХ” пробиотикоор баяжуулсан нэмэгдэл тэжээлд оруулах замаар гүзээний үйлдэл, завсрын солилцоог эрчимжүүлж, амьдын массын хоногийн нэмэгдэлийг 26 хүртэл хувиар нэмэгдүүлэх боломжтой байна.
2. Нэвтрүүлэх ажилд хамрагдсан эр хурганы мал эмнэлгийн үйлчилгээг орон нутгийн мал эмнэлэг хариуцаж, олон улсын худалдааны байгууллагын нэрлэсэн гоц халдварт өвчнөөр тайван болохыг баталгаажуулсан. Мал тээвэрлэлт, төхөөрөхийн өмнөх үеийн болон дараах үзлэг хяналтыг үйлдвэрийн малын эмчээс Ираны мал эмнэлгийн шаардлагад тохируулан явуулав. Гарал үүслийн гэрчилгээг баримтлан гулууз бүрт хаяглалт хийсэн нь экспортын махны аюулгүй байдлыг эргэн мөшгих гол үндэслэл болно.
3. Хэрэгжүүлсэн технологийн шийдлүүд нь эр хурганы өсөлтийн физиологийн үйл явцыг дэмжин идэвхжүүлэхэд чиглэсэн учир томоохон хөрөнгө зардал шаардахгүй. Төсөлд хамрагдсан нутгаас “Мах Маркет” ХХК –д экспортын хатуу шаардлагад нийцсэн нийтдээ 18231кг эр хурганы гулууз мах нийлүүлсэн нь 71,4 мян ам.доллартай тэнцэв. Энэ нь дотоодын 50- 60 мян. төг үнэтэй хургыг өртөг шингээсэн 144,4 мян. төг (54,9 US $)-т буюу 2,4-2,8 дахин илүү үнэд хүргэх боломжийг харуулна. Жил бүрийн 5 сая орчим эр хурганы зөвхөн 20 хувийг экспортод гаргаснаар олох ашиг,дэлхийн зах зээлийн байдал,манай орны чадвахи, төслийн үр дүнг хэрэгжүүлэх онол арга зүйн үндэслэл, тайлбар,дүгнэлт хийгдсэн.