Хүнсний ногооны ирээдүйтэй болон нутагшсан сортуудын үр үржүүлэг
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2016-2018
Санхүүжилт: 90,000.0 мян.төг
Түлхүүр үг : Элит, репродукци үр, сорт, үрийн чанар
Үр дүн
1.Алтайн уулархаг нутаг, их нууруудын хотгорт болон тариалангийн төв бүсэд 4 таримлын 10 сортын үр 5446 кг-ийг үржүүлэв. Эртийн болцтой байцааны Июньская 3200 сортын үр 2.4 кг, дунд оройн болцтой байцааны Белорусская 455 сортын үр 6.6 кг-ийг хураан авч цаашид 1-р репродукцийн үр үржүүлэхэд бэлэн болгоод байна.
Тариалангийн төв бүсэд бөөний сонголтын аргыг ашиглан анхдагч үрийн аж ахуйг зохион байгуулалттайгаар шинээр нутагшуулсан хүрэн манжингийн Одноростковая сортын супер элит үр 14 кг, элит үр 8 кг, шар луувангийн Шантенэ Роял сортын супер элит үр 22 кг, элит үр 8 кг, болон шар манжингийн Хараа 5 сортын супер элит үр 28 кг, элит үр 12 кг үр гарган авч торгон үрийн нөөцийг бүрдүүлэв.
2.Шар лууван, эртийн байцааны үр үржүүлэх технологид тариалах сорт, үрийг тарилтанд бэлтгэх, үрслэг бойжуулах арга ажиллагаа, хөрс элдэншүүлэлт, сэлгээ, бордох, тариалах хугацаа, тэжээлийн талбай, услах, арчлах, өвчин хортонтой тэмцэх, хог ургамалтай тэмцэх агротехникийн арга ажиллагаа, ургац хураах, сортын эх ургамал сонгох, арчилгаа хийх, үр хураан авах талаар дэлгэрэнгүй тусгаж, технологийн үйлдлүүдээр зураглал гаргаж ,кальендарь хэлбэрт оруулан үр ургуулах технологи 2-ыг шинэчлэн боловсруулав.
3.Төслийн хугацаанд Шар луувангийн Шантенэ Роял, хүрэн манжингийн Одноростковая, бөөрөнхий цагаан байцааны эртийн болцтой байцааны Июньская 3200, дунд оройн болцтой Белорусская 455 зэрэг 3 таримлын 4 сортыг ХХААХҮЯ ны Улсын Сорт Сорилтын Зөвлөлийн хурлаар хэлэлцүүлэн Монгол оронд “Нутагшсан сорт”-оор батлуулж, нутагшсан сортын батламжууд авсан.