Хүүхдэд зориулсан сүүн бүтээгдэхүүн, зохицуулах үйлчлэлтэй махан бүтээгдэхүүний технологийг үйлдвэрлэлд нэвтрүүлэх
Салбар : Инженерийн ухаан, технологи
Төслийн дугаар :
Төслийн төрөл : Инновацийн төсөл
Хугацаа: 2016-2017
Санхүүжилт: 90,000.0 мян.төг
Түлхүүр үг : Пробиотик, хүнс, хөрөнгө, соёолж, хатаасан мах, гүзээ, царцмаг
Үр дүн
1. Хүүхдийн зориулалттай сүүн бүтээгдэхүүн үйлдвэрлэх суурь судалгаа, эмнэл зүйн болон хагас үйлдвэрлэлийн туршилт явуулсан. Хүүхдийн сүүний сав баглаа, хаяг шошгоны загварыг гаргаж, захиалж “Хан брэнд” ХХК-ний сүү боловсруулах үйлдвэрлэлд нэвтрүүлсэн.
2. Аарцыг арвайн гурилаар баяжуулан аарцан үрэл хийх технологийн болон хагас үйлдвэрлэлийн туршилтыг явуулсан. Шахмал хэлбэрт оруулах машин худалдан авч лабораторийн туршилтанд шилжүүлэн ашиглаж байна.
3. Хөлдөөсөн тараг үйлдвэрлэх хагас үйлдвэрлэлийн туршилт хийж, 80 гр хэмжээтэй савлах савлагааны загварыг гаргаж, захиалан “Хан брэнд” ХХК-ний сүү боловсруулах үйлдвэрлэлд нэвтрүүлсэн.
4. Ямааны махыг амталж, дулаанаар үйлчлэн хатаах оновтой жор, технологийн шийдлийг боловсруулав.
5. Ямааны гүзээг дулааны ердийн аргаар хатааж, хиамны үйлдвэрлэлд эрдэс, уургийн баяжуулагч нэмэлтээр ашиглах боломжтойг туршилтаар нотлов. Гүзээний хуурай бэлдмэлийг 100 граммаар савлах баглаа боодлын загварыг гаргаж, үйлдвэрлэлд нэвтрүүлсэн.
6. Дотор мах, дайвар түүхий эд, хүнсний ногоо, хивэг, амтлагч болон хүнсний нэмэлтүүдийг ашиглан шинэ нэрийн царцмаг үйлдвэрлэх жор, технологийн шийдэл боловсруулав.
7. Аарцан үрэл бэлтгэх, хөрөнгө бэлтгэх, соёолжийн ханд бэлтгэх, хивгээр баяжуулсан царцмаг үйлдвэрлэх, гүзээний хуурай бэлдмэлээр баяжуулсан чанамал хиам үйлдвэрлэх болон ямааны хатаасан мах үйлдвэрлэх технологийн 6 заавруудыг боловсруулж, ТДС-ийн эрдмийн зөвлөлөөр батлуулсан.
8. “Хүүхдэд зориулсан баяжуулсан сүү үйлдвэрлэх арга”, “Арвайгаар баяжуулсан аарцан үрэл үйлдвэрлэх арга”, “Ямааны утаж хатаасан мах үйлдвэрлэх арга” ашигтай загварын гэрчилгээ авсан. “Хивгээр баяжуулсан царцмаг үйлдвэрлэх арга” №20-2017-0003690, “Гүзээний хуурай бэлдмэлээр баяжуулсан чанамал хиам үйлдвэрлэх арга”, №20-2017-0003691 тоот ашигтай загварын мэдүүлэг өгсөн.
9. “Соёолжийн ач холбогдол” зөвлөмж боловсруулсан.