Их үрэлтэт машины эд ангийг дулааны бүрэх технологи
Салбар : Нийгмийн шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2016-2018
Санхүүжилт: 65,000.0 мян.төг
Түлхүүр үг : Лазер, дулаан боловсруулалт, их үрэлтэт эд анги, шахуурга, далбан
Үр дүн
1. Зохиомол материалын гурван төрлийн хатуу хайлшан карбидан ялтсан бүтэцтэй холимог материалыг ашиглан шахуургын ажлын дугуйн далбан, хамгаалалтын зээрэнцгийн металлын гадаргууд лазерын бүрэлт хийх, өндөр бүтээмжтэй, чанартай гадаргууг бүрэх лазерын нунтгийг гарган авсан.
2. Шахуургын эд ангиудыг Германы Фраун Хоффер институтэд хийлгэх
3. Лазерын аргаан бүрсэн эд ангиудыг лазераар бүрээгүй ба бүрсэн эд ангиудын элэгдлийн судалгаа, үр дүнг тайланд тусгасан. Үүнд: Шахуургын ажлын дугуйн гадаргууд элэгдэлд тэсвэртэй лазерын бүрэлт хийсэн далбангуудыг 456 цаг ажиллуулан бүрэлт хийгдээгүй далбантай харьцуулан судлав. Бүрэлт хийгдээгүй ажлын дугуйн далбан нь ирмэгээсээ 16-28 мм-ээр, лазер бүрэлт хийгдсэн ажлын дугуйн далбан нь ирмэгээсээ 0.8-1.5 мм-ээр багассан буюу элэгдсэн. Лазер бүрэлт хийгдсэн ба хийгдээгүй ажлын дугуйн далбангуудын материалын элэгдэл нь 1:10 гэж тооцогдож байна. Шахуургын ажлын дугуйн хамгаалалтын зээрэнцэг нь өөрийнхөө суурь материалаас шалтгаалан бүрэн элэгдсэн. Ажлын дугуйн далбаны гадаргууд хийгдсэн лазерын бүрэлтэд нүдэнд ажиглагдахуйц ан цавууд бий болсон боловч шахуургын металл гадаргууд хийгдсэн лазер бүрэлтийн үлдэгдэл нь шахуургын ажлын дугуйн далбаны үндсэн металл гадаргууд өө сэвгүй суугаагүй байна. Шахуургын эд ангиудын үндсэн материал болох цагаан ширмийг химийн найрлагатай материалтай гагнагдахгүй гэж үздэг байсан бол лазер технологи нь эдгээр материалуудыг хооронд гагнадаг. Технологийн процессын явцад өндөр үрэлт, абразив үйлчлэлийн улмаас элэгдэлд ордог шахуургын ажлын хэсгүүдэд лазер бүрхэлт хийснээр элэгдлийн нөхцөл шалтгаан, гадаргуун согог, зэврэлтийг багасан шахуургын ашиглалтыг олон цагаар уртасгасан нь судалгааны ажлын үр дүнгээс харагдаж байна. Лазер бүрэлтийн үр дүн нь зэсийн хүдрийн ширхэглэл ба эд ангийг бүрсэн материалын хатуулаг хоорондын харьцаанаас хамаарах ба энэ нь ихээхэн чухал үүрэгтэй. Лазер технологийг ашиглан хатуу металл торлог зоргодос ялтсан материалаар бүрсэн тул элэгдлээс хамгаалах өндөр зэрэгтэй болно.