Нано сенсоруудыг ашиглан ус, агаарын бохирдол болон хүнсний бүтээгдэхүүнд чанарын хяналт тавих
Салбар : Байгалийн шинжлэх ухаан
Төслийн дугаар :
Төслийн төрөл : Дэвшилтэт
Хугацаа: 2009-2012
Санхүүжилт: 0.0 мян.төг
Түлхүүр үг : Нано-сенсор, ус, агаарын бохирдол бохирдол, хүнсний бүтээгдэхүүн, чанарын хяналт
Үр дүн
1. Ундны усны сонохемилюминесценцийн эрчмийг сенсор ашиглан бүртгэж, буцалгасан болон ширгээсэн усны исэлдэн-ангижралтын үр дүнд үүсэх чөлөөт радикалуудын унтралтыг хэмжив. Ингэснээр усны найрлага дахь микроэлемент, орчны рН, усан доторх микроорганизмын өөрчлөлт зэрэг гадны бохирдолтыг хянаж болохыг харуулав.
2. Байгалийн эрдэс бодис турмалины ренгенфлуоресценц болон нил улаан туяаны спектрийн шинжилгээ хийж, япон улсын дулаан ялгаруулах нано бүтэцтэй материалын дулаан багтаамж, элементийн найрлагатай харьцуулан судлав.
3. Ундны усны чөлөөт радикалын үзэгдлийг усны сонохемилюминесценцийн эрчмийг хэмжих аргаар судалсан юм. Үүнд: буцалгасан болон ширгээсэн усны исэлдэн ангижралтын үр дүнд үүсэх усны ОН радикалын унтралтыг сенсор ашиглан хэмжиж болохыг харуулсан.
4. Төслийн хүрээнд сенсорын зориулалтаар ашиглах гэрэл, хэт авиа, дулааны үйлчлэлийг судалж үзлээ. Фаз солигдох материалын (ФСМ) талаар мэдээлэл цуглуулж, монгол орны турмалины физик химийн шинж чанарыг бусад ФСМ-ын рентгенфлуоресценцийн болон нил улаан туяаны спектртэй харьцуулж судлав.
5. Энэхүү ажлын хүрээнд хосолсон үйлчлэлийн нөлөөгөөр усны макро хэмжигдэхүүнүүд болох рН, исэлдэн-ангижрах потенциал, цахилгаан дамжуулал болон сонохемилюменсценцийн харьцангуй эрчмийг бүртгэх туршилт тавьсан. Усыг идэвхжүүлэх гэдэг нь шингэн фазын систем дэхь холбоост төлвийн гетерофазын соронзон, цахилгаан, энергит болон физик бүтцэт шинж чанарыг өөрчлөх процесс юм гэж үзэх болов. Энэ ажлаар бид усыг хосолсон үйлчлэлээр идэвхжүүлэх процессыг судлах зорилго тавьж, үйлчлэлийн механизмыг тайлбарлах оролдлого хийлээ.
6. 2012 онд ус болон хүнсний бохирдолтонд хяналт тавих боломжтой сонолюминометрийн багажийг шинээр хийж ашиглалтанд оруулсан.
7. Япон улсын турмалины найрлагатай халаах материалд нил улаан туяаны спектр болон рентгенфлуоресценцийн анализ, рентгендифракцын спектрийн фазын чанарын анализ хийж, монгол орны байгалийн турмалины физик химийн шинж чанартай харьцуулан судлав.
8. Улаанбаатар хотын нутаг дэвсгэр дэх гол, рашаан, гүний худгийн усны физик параметрийн судалгааг сенсор ашиглан TDS-метрээр хэмжиж хяналт тавих ажил хийв.