Биеийн өндөр болон гавал доторхи артерийн аневризмийг нөхцөлдүүлэгч ген,геномын хэсгийн судалгаа
Салбар : Анагаах ухаан, эрүүл мэндийн шинжлэх ухаан
Төслийн дугаар : 004
Төслийн төрөл : Дэвшилтэт
Хугацаа: 2009-2012
Санхүүжилт: 251700.00 мян.төг
Түлхүүр үг : Хүний биеийн ерөнхий хэв шинж (биеийн өндөр), уялдаат хамаарлын судалгаа, холбоот хамаарлын судалгаа, гавал доторх артерийн аневризм, Нэг Нуклеотидын Полиморф Хэлбэршил
Үр дүн
1. Хүний нийт геномыг хамран, жигд тархан байрласан 23,465 микросателлит маркерыг ашиглан, уялдаат локусуудыг илрүүлэх зорилгоор ДНХ-ийн холимгийн скрийнинг шинжилгээг хоёр цувралаар гүйцэтгэсэн. Монгол хүний биеийн өндрийг нөхцөлдүүлж буй хамгийн өндөр магадлал бүхий 8q21.13 ба 15q22.33-q23 гэсэн 2 кандидат локусыг илрүүллээ.
2. Бидний судалгаагаар Гавал доторх артерийн аневризмийг нөхцөлдүүлэгч rs175646 ба rs741846 кандидат локусууд нь Монгол өвчтөнүүдийн хувьд статистикийн магадлал бүхий хамааралгүй болохыг тогтоолоо.
3. ДНХ-ийн холимогийн арга (Pooled DNA typing), нэг нуклеотидийн полиморф хэлбэршил (ННПХ: SNP, single nucleotide polymorphism), богино мөрийн давтал (БМД: STR, short tandem repeat) маркерууд зэрэг удамзүйн судалгааны орчин үеийн дэвшилтэт шинэ аргуудыг ашиглалаа.
4. Судалгааны үр дүнг молекул биологи, хүн судлал, удамзүйн чиглэлийн эрдэм шинжилгээний байгууллагууд, мэдрэлийн өвчин судлал, ангиографийн оношлогоо эмчилгээний тасгийн эрдэм шинжилгээний ажилтан, судлаач, эмч нарын судалгааны ажилд лавлагаа болгон ашиглана.