Биотехнологийн сургалтын хөтөлбөрийг боловсронгуй болгож,лабораторийн нөхцлийг сайжруулах
Салбар : Байгалийн шинжлэх ухаан
Төслийн дугаар :
Төслийн төрөл : Дэвшилтэт
Хугацаа: 2008-2009
Санхүүжилт: 67000.00 мян.төг
Түлхүүр үг : биотехнологи, сургалтын хөтөлбөр, лаборатори
Үр дүн
А. Биотехнологийн лабораторийн нөхцөлийг сайжруулах талаар хийгдсэн ажлууд:
Энэхүү төслийн хэрэгжилтийн эхний жилд Молекул биологи биотехнологийн сургалтын төлөвлөгөө, лабораторийн нөхцөлд анализ хийж, молекул биологи, биотехнологийн сургалт судалгаа явуулж байгаа биохими биотехнологийн лаборатори, молекул биологи генетикийн лаборатори, молекул биофизикийн лабораторийн хэрэгцээн зориулж лабораторийн 3 ком ширээ, микроорганизмын халдваргүй орчин бүрдүүлэг ламинар бокс 2-ийг тус тус худалдан авлаа.
Төсөл хэрэгжих хоёр дахь жилд сургалтанд зориулан уураг, нуклейн хүчлийн судалгаанд нэн чухал хэрэгцээтэй хөргөгчтэй центрифуг, түүний 2 төрлийн ротор, SDS-PAGE элетрофорезийн аппарат, ургамлын эсийн өсгөвөрлөлтөнд зориулан сэгсрэгчтэй инкубатор болон элэктрофорезийн болон молекул биологи, биотехнологийн сургалтанд шаардагдах урвалжийг авав.
Б. Биотехнологийн сургалтын хөтөлбөрийг сайжруулах талаар хийгдсэн ажлууд:
МУИС-ийн Биологийн факультетэд хэрэгжүүлж байсан Биологи (Биотехнологи) сургалтын хөтөлбөрт дүн шинжилгээ хийж, Гадаадын бусад их дээд сургуулиудын сургалтын хөтөлбөртэй харьцуулан судалсны үндсэн дээр МУИС-ийн Биологийн факультетэд хэрэгжүүлж байсан Биологи (Биотехнологи) сургалтын хөтөлбөрийг шинэчлэн боловсруулж МУИС-ийн Биологийн факультетийн эрдмийн зөвлөлөөр хэлэлцүүлэн, БСШУЯ-аар батлуулан хэрэгжүүлж эхэлсэн ба БНСУ-ын Донгкүкийн их сургуулийн Биологи биотехнологийн сургуультай хамтран ажиллах гэрээ байгууллаа.
В. Биотехнологийн сургалт, судалгааны гадаад хамтын ажиллагааг сайжруулах талаар:
БНСУ-н Донгкүкийн их сургуулийн Биологи биотехнологийн сургуультай хамтран “Хүнсний технологи ба цөлжилттэй тэмцэх” (The 1st Bilateral Symposium on Food Biotechnology and Combating Desertification) сэдэвт хамтарсан хурлыг Дангкүкийн их сургуульд зохион байгуулав.
2010 он 5-р сарын 14-нд БНСУ-н Донгкүкийн их сургуулийн Биологи биотехнологийн сургуультай хамтран “Биотехнологийн хэрэглээ ба цөлжилттэй тэмцэх” (The Second Bilateral Symposium on Application of Biotechnology and Combating Desertification) сэдэвт хамтарсан хурлыг Дангкүкийн их сургуульд зохион байгуулав. Мөн “Биологийн шинжлэх ухаан ба инженжрчлэл, Байгалийн нөөц ба Цөлжилттэй тэмцэх” гэрээ байгуулж 2 га талбай бүхий цацарганы сургалт судалгааны плантац байгуулж, БНСУ-н Донгкүкийн их сургуулийн Биологи биотехнологийн сургууль 20.0 сая төгрөгийн хөрөнгө оруулснаар биотехнологийн сургалт судалгааны бааз бүрдсэн.