Анагаах ухаан, мал эмнэлгийн зориулалттай болон бусад ашигтай бичил биетний болон хүнс тэжээлийн нэмэлт бүтээгдэхүүний технологийн судалгаа
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Дэвшилтэт
Хугацаа: 2008-2010
Санхүүжилт: 380700.00 мян.төг
Түлхүүр үг : Пробиотик, нян, хурга, БАД, элэгний өвчин, эмгэг төрүүлэгчид
Үр дүн
1. Судалгааны дүнд гарган авсан сүүн хүчлийн бактерийн LBO2, LBO5, LBO51, LBY3 дугаартай өсгөврүүд нь эмгэг төрүүлэгч E.coli 018; 0.26; 035; 0.41 савханцруудын ургалтыг саатуулах чадвараар бусад өсгөврөөс илүү байв. Хүчил ялгаруулах идэвхийн хувьд дээрх өсгөврүүд тэжээлийн орчны pH 0 цагт 7.0 орчимд хэлбэлзэж байсныг 3.0-4.0 орчим болгон бууруулж байлаа. Ургалтын эрчим нь нийт өсгөврүүдийн хувьд 24 цагтаа хамгийн өндөр байсан юм. Тухайлбал LBO2 омог 2.2х108 CFU/g, LBO5 омог 1.9х108 CFU/g, LBY3 омог 2.2х108 CFU/g-т хүргэж байгаад цаашид аажиж буурч байв. Лабораторийн нөхцөлд дасгасан, сүүн хүчлийн нутгийн омог нь антогонист болон адгезив идэвхтэй байна. Нутгийн омгууд нь Пробиотик бүтээгдэхүүнд тавигдах тодорхой шаардлагуудыг хангасан Laсtobacillus Reuteri LBO5, патентын эрх авав /Гэрчилгээ 3542/.
2. Судалгаанд ашигласан биологийн идэвхтэй сүүн хүчлийн нянгийн нутгийн омгууд нь манай оронд өргөн тархсан Хүний хордлогот салмонеллийн халдвар үүсгэгчийн хоруу чанартай нутгийн омгуудад сөрөг нөлөөлөх шинж чанартайг илрүүлэхийн хамт тэдгээрийн идэвх нь эстэй сүпернатантуудад гол төлөв илүү байх хандлагатайг тогтоов. Ялангуяа Lactobacillus LBO2 өсгөврийн эс , болон эсээс ялгарч байгаа бодис солилцооны бүтээгдэхүүний аль аль нь салмонелла төрлийн нянгуудын өсөлтийг дарангуйлж байв.Түүнчлэн элэгний үрэвслийн үе дэх нян хямралыг засан сэргээхэд эерэг нөлөө үзүүлэв. Эдгээрт тулгуурлан уул бүтээгдэхүүнийг капсул болон хуруувчин хэлбэрээр савлах загварыг нэвтрүүлэв.
3. Гэдэсний нян хямралтай болон ходоод гэдэсний замын төрөл бүрийн өвчний эмчилгээний дараах үед Сүүн хүчлийн нян агуулсан Лактобактерин СТХ пробиотикийг хэрэглэснээр өвчтөний ядрал сульдлын хам шинж 98 %, шархлах хам шинж 23 %, өтгөн хатах хам шинж 74 %, хэвлийгээр өвдөх хам шинж 12 %, цусархагшилын хам шинж 20 %, биж хам шинж 89 %-иар тус тус бууруулах боломжтой байна. Энэхүү пробиотик бэлдмэлийг ОХУ-ын лактобактери бэлдмэлтэй элэгний цирроз оноштой өвчтөнүүдэд хэрэглэж харьцуулан үзэхэд гэдэсний нян хямралд үзүүлэх нөлөө нь эх орны пробиотик бэлдмэл илүү байлаа. Хүнсний нэмэлт бүтээгдэхүүнд ашиглах боломжтой нутгийн омог болох Lactobacillus Acidophilus LB3 омгийг паспортжуулж, стандартыг батлуулав / MNS 6181/.
Лактобактерин СТХ -г хүнсний нэмэлт бүтээгдэхүүнээр ашиглах эрх зүйн үндэслэлийг боловсруулж, баталгаажуулав./ Гэрчилгээ дугаар № 70, 71/