Сэлэнгэ мөрний сав газар дахь дээд палеолитын үеийн олон соёлт давхрага бүхий дурсгалуудын археологийн судалгаа
Салбар : Нийгмийн шинжлэх ухаан
Төслийн дугаар :
Төслийн төрөл : Экспедици
Хугацаа: 2008-2008
Санхүүжилт: 1000.00 мян.төг
Түлхүүр үг : Их Төлбөрийн гол, соёлт давхарга, дээд палеолит, үлдэц, хусуур, үйлдвэрлэлийн хаягдал
Үр дүн
Монгол - Оросын хамтарсан чулуун зэвсгийн судалгааны анги 2004 оноос Булган аймгийн Хутаг-Өндөр сумын нутаг Их Төлбөрийн голын хөндийд малтлага судалгааны ажил гүйцэтгэж байна. Төлбөрийн голын сав газар нь хуучин чулуун зэвсгийн үеийн олон соёлт давхарга бүхий дурсгалтай болох нь хайгуул судалгааны явцад тогтоогдсон бөгөөд өнгөрсөн жилүүдэд Төлбөрийн голын зүүн гар талаас цутгах Их булаг орчимд, Алтан Гозгор хэмээх уулын хажуу дээр орших Төлбөр-4 хэмээн тэмдэглэгдсэн дурсгалт газарт нийт 67 м2 талбайд малтлага судалгаа хийсэн юм. Малтлагын үр дүнд 6 соёлт давхарга бүхий дурсгалт газар буйг тогтоосон бөгөөд олон мянган чулуун зэвсгийн олдвор илрүүлэн олсон. Чулуун зэвсгээс гадна тэмээн хяруулын өндөгний хальсаар хийсэн зүүлт, ясан шөвөг зэрэг эд өлгийн зүйл илрүүлж чухал үр дүнд хүрсэн юм.
Төлбөр-4 дурсгалт газарт малтлага судалгаа хийж байх явцад ойр орчимд нь хайгуул судалгаа явуулсны үр дүнд Төлбөр-15 хэмээн тэмдэглэгдсэн дурсгалт газрыг анх илрүүлсэн бөгөөд 2007 онд бага хэмжээний сорьц малтлагыг хийсэн юм.