Ургамлын өсөлт хөгжилт, гадаад орчны тохиромжгүй нөхцлийг дэмжигч BIL2 генийг зарим зэрлэг ургамлад шилжүүлэн суулгаж хот тохижуулалтанд хэрэглэх боломжийг эрэлхийлэх нь
Салбар : Байгалийн шинжлэх ухаан
Төслийн дугаар :
Төслийн төрөл : Докторын дараах инноваци
Хугацаа: 2014-2015
Санхүүжилт: 10,000.0 мян.төг
Түлхүүр үг : Дагуур тэрэлж, BIL2 ген, гоёл чимэглэлийн ургамал, малын тэжээлийн ургамал, соёололтын хурд
Үр дүн
1. Дагуур тэрэлжийн үрнээс гипокотил ургуулан каллус үүсгэх хамгийн тохиромжтой гормоны концентрацийн харьцааг шалгахад 2.4D 1μM, кинетин 1μM гормоны концентрацийн харьцаа бүхий тэжээлт орчинд каллус хамгийн сайн үүсдэг болох нь тогтоогдов.
2. Хоёр долоо хоног ургуулсан каллусыг ИЦХ 0.5μM бүхий тэжээлт орчинд суулгахад нахиа хамгийн сайн үүсэж буй нь тогтоогдов.
3. Дээрх үр дүнг ашиглаж Дагуур тэрэлж ургамлаас үүссэн каллусанд лабораторийн загвар GUS генийг амжилттай шилжүүлэн суулгаж, улмаар нахиа үүсгэснээр тухайн ургамалд ашигт генийг их хэмжээгээр нийлэгжүүлэх боломжтой болох нь харагдав.
4. Дагуур тэрэлжид BIL2 генийг ижил арга зүйгээр шилжүүлэн суулгаж каллус үүсгэсэн ба каллусаас ДНХ-ийг ялган авч ПГУ-аар BIL2 генийн нийлэгжлийг шалгахад 500 bp дээр толбо илэрч бидний судалгааны ажил амжилттай болсныг илтгэж байна.
5. Гадаад орчны тохиромжгүй нөхцлийг давах чадварыг нөхцөлдүүлэгч BIL2 генийг шилжүүлэн суулгасан Дагуур тэрэлжийн каллусаас нахиа амжилттай үүсгэн, улмаар лабораторийн нөхцөлд хөрсөнд ургуулан BIL2 ген бүхий ургамал гарган авсан ба цаашдын судалгааны ажлыг эрчимтэй хийж байна.