Цэвэршүүлсэн нунтаг барагшууны нянгийн эсрэг антибиотик төст үйлдлийг тогтоож бэлдмэл бэлтгэх технологийг шинэчлэн үйлдвэрлэлд нэвтэрүүлэх нь
Салбар : Хөдөө аж ахуйн (ХАА) шинжлэх ухаан
Төслийн дугаар : 022
Төслийн төрөл : Докторын дараах инноваци
Хугацаа: 2012-2013
Санхүүжилт: 10,000.0 мян.төг
Түлхүүр үг : барагшун, E.Coli, Staphylococcus aureus, нянгийн эсрэг идэвхи, цэвэршүүлэлт
Үр дүн
1. Туршилтын дүнд St. aureus -ийн 1 сая колони үүсгэх нэгж бүхий өсгөврийг барагшуны 1:5, 1:10-ийн харьцаагаар шингэлсэн хандууд нь 11-16 мм-ийн бүс үүсгэн дарангуйлж байв. Уламжлалт технологиор бэлтгэсэн барагшун бэлдмэлийн ариун чанарыг 4 төрлийн тэжээлт орчинд шалгахад нянгийн бохирдол ихтэй байсан нь байгалийн гаралтай эмт бодис, эмийн түүхий эдийн ариун чанарыг микробиологийн аргаар шинжлэн тогтоож эм бэлдмэл бэлтгэх зайлшгүй шаардлагатайг харуулж байна.
2. Туршилтын дүнгээр барагшуны ханд E.Coli-ийн эсрэг ямар нэг идэвх үзүүлсэнгүй. Барагшуны 1:1, 1:5,1:10-аар шингэлсэн уусмалуудыг Salmonella, Brucella, Pasteurella эмгэг төрүүлэгч нянгууд дээр туршихад дараах үр дүнг үзүүлэв. Хандуудын нянгийн эсрэг идэвхийг эмгэг төрүүлэгч өсгөвөрүүдийн 10-3-10-8 хүртэлх шингэрүүлэлт дээр шалгасан ба 10-3-10-5 шингэрүүлэлтүүд нь хамгийн зөв үр дүн үзүүлж байв.
3. Барагшуны бэлдмэлийн шинэчилсэн технологийг боловсруулж, МЭСБУЛ-ийн албан ёсны дүгнэлтийг авлаа.
4. Сургалт, судалгаанд ашиглагдах танин мэдэхүйн өнгөт нугалбар хэвлүүлэн нийтийн хүртээл болгов.