Бичил биетний эсрэг үйлчлэлтэй эфирийн тосны биологийн идэвх, технологийн судалгаа
Салбар : Байгалийн шинжлэх ухаан
Төслийн дугаар :
Төслийн төрөл : ШУА грант
Хугацаа: 2017-2018
Санхүүжилт: 4000.00 мян.төг
Түлхүүр үг : Бичил биетэн, эфирийн тос, биологийн идэвх, спороцид
Үр дүн
1. Морин шарилжийн эфирийн тосыг ялган авч туршихад Грам сөрөг бактери E.coli-гоос бусад Грам эерэг хүнс бохирдуулагч бактери, дрожж, мөөгөнцрийн эсрэг идэвхтэй байна. Морин шарилжийг Намгийн сургарын эфирийн тостой холин бактерийн эсрэг идэвхийг туршихад өвчин үүсгэгч S.aureus-ийн эсрэг өндөр идэвхтэй, мөн концентрациас хамааралтай B.subtilis-ийн спорыг устгах чадвартай байна.
2. Намгийн сургарын эфирийн тос 2 цагирагт монотерпен, сесквитерпен, терпений спирт зэрэг биологийн идэвхт бодис агуулдаг учраас өмнөх судалгаагаар хүнс бохирдуулагч бичил битний эсрэг өндөр идэвх үзүүлэн дарангуйлах хамгийн бага тун буюу MIC утга 0.25-0.5 мкл/мл бөгөөд өндөр концентрацдаа бактерцидийн идэвхтэй байсан учраас спор устгах чадварыг тогтооход концентрациас хамааралтай спороцид идэвхтэй байна. Намгийн сургарын эфирийн тосны 0.5 мкл/мл концентрацид хүнсний модель орчин мах, сүүний уураг, нүүрс-усны төлөөлөл сахарозтой 4 төрлийн орчны концентрацийн өөрчлөлтөд Грам (+) B.subtilis-ийн тохиолдолд 12-24 цаг жигд, Грам (-) E.coli-ийн тохиолдолд концентраци өсөх тусам мэдэгдэхүйц илүү, дунджаар 6-19 цагаар тус тус лаг фаз буюу дасан зохицох фазыг уртасгаж, эфирийн тосхүнсний агууламж хоорондын харилцан үйлчлэл бактерийн эсрэг өндөр идэвхтэй байгаа нь хүнс хадгалагчаар ашиглах боломжтойг харуулж байна. Эфирийн тосыг ашиглан бактерийн эсрэг үйлчлэлтэй саван, √ариутгагч гел, ариутгах уусмал зэргийг хийх технологийн судалгаа хийж, байгалийн гаралтай бүтээгдэхүүний загвар бий болгосон.
3. Судалгаатай холбогдолтой эрдэм шинжилгээний өгүүлэл 2, ханын илтгэл 2 - ыг бэлтгэн хэлэлцүүллээ.