Малын гадна шимэгчтэй тэмцэх аргыг боловсронгуй болгох
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2001-2004
Санхүүжилт: 10,895.0 мян.төг
Түлхүүр үг : шимэгч, хачиг, шавж, эгэл биетэн
Үр дүн
1. Үхрийн арьсны гуураас сэргийлэх бэлдмэлийн технологи бий болгож, бэлдмэл бэлтгэх, шалгах, хэрэглэх заавар боловсруулав.
2. Babesia equi болон B.caballi зүйлүүдээр үүсдэг адууны пироплазмидозыг оношлох эсрэгтөрөгч, эерэг ийлдэс бэлтгэж ШБИФлУ-аар сорьж, адууны пироплазмозуудыг ШБИФлУ-аар оношлох арга, эсрэгтөрөгч, эерэг ийлдэс бэлтгэх, шалгах заавар боловсруулав.
3. Токсоплазмозын эпидемиологийн судалгаа явуулж, уг өвчнийг ELISA-aap оношлох эсрэгтөрөгч, эерэг ийлдэс бэлтгэх аргыг боловсронгуй болгохын зэрэгцээ, уг өвчнийг ШБИФлУ-аар оношлох арга, эсрэгтөрөгч, эерэг ийлдэс бэлтгэх, шалгах заавар боловсруулав.
4. Адууны трипаносомозыг оношлох эсрэгтөрөгч, эерэг ийлдэс бий болгон, ELISA болон ХХУ урвалуудаар идэвхийг сорьж, ХХУ-ын эсрэгтөрөгч, эерэг ийлдэс бэлтгэх, шалгах заавар боловсруулав.
5. Манай орны үхэрт зонхилон тохиолддог саркоцистозыг оношилж, саркоцистийн нутгийн омог ялган авч хүлээлгэн өгөхийн зэрэгцээ уг өвчнийг ШБИФлУ-аар оношлох эсрэгтөрөгч бэлтгэх, шалгах заавар боловсруулав.
6. 80-90 хувийн идэвхит үйлчилгээтэй "Ципермон" угаалгын бэлдмэлийн технологи боловсруулж, уг бэлдмэл болон мал угаах бага оврын онгоцны загвар бий болгосон.
7. Гадна ба дотор шимэгчийн эсрэг 100%-ийн идэвхитэй, Авермонмек тарилгын бэлдмэлийн шинэчилсэн технологи боловсруулсан.
8. 1%-ийн ивермектин, 10%-ийн альбендазол агуулсан "Ивалбен" - дотуур олгох бэлдмэлийн загвар бий болгов.
9. Шинээр зохион бүтээсэн бэлдмэлийн загваруудын малын биед үзүүлэх нөлөөг судлав.