Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2001-2004
Санхүүжилт: 42,000.0 мян.төг
Түлхүүр үг : түүхий эд, уураг, эрдэс, даавар
Үр дүн
1. Амьтны гаралтай түүхий эд малын өндгөвч, эхэс, хээлийн шингэнээс үнээний хээл авалтыг 72.6% хүртэл дээшлүүлэх үйлчилгээтэй овариопептид бэлдмэлийн технологи боловсорч үйлдвэрлэлд нэвтрэхэд бэлэн боллоо.
2. Монгол оронд ургадаг аминдэмээр баялаг ургамлууд, уураг эрдсээр баялаг амьтны гаралтай түүхий эдийг ашиглан үнээний хаг сааталтыг 60%-иар, савны хурц үрэвслийг 75%-иар, нялх тугалын ходоод гэдэсний хямралыг 50%-иар буурах эмчилгээ, сэргийлэлтийн идэвхтэй аминдэм-эрдэс-уургийн 3 төрлийн бэлдмэлийг үйлдвэрлэлд нэвтрүүлж байна.
3. Малын өнчин тархи, өндгөвчийн уутанцрын шингэнээс гурван төрлийн даавар малын амьдын жин, сүүний гарцыг нэмэгдүүлэх үйлчилгээтэй соматотропин,
пролактин, малын ороог идэвхжүүлэх ингибин дааврын технологи боловсорлоо.
4. Хоёр төрлийн ургамлаас бэлтгэсэн 93.7%-ийн эмчилгээний үр дүнтэй, малын хээл авалтыг 70-80%-иар дээшлүүлэх үйлчилгээтэй малын хаг унагаах бэлдмэл
үйлдвэрлэлд нэвтэрч байна.
5. Монгол оронд үржүүлдэг гахай болон адууны ходоодны салст бүрхүүлээс 1 г-даа 6000-10000 нэгж идэвхтэй пепсин ялган авах технологи боловсруулж
үйлдвэрлэлд нэвтрүүлж байна.