Хөдөө аж ахуйн таримлын генофонд
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2001-2005
Санхүүжилт: 78,049.4 мян.төг
Түлхүүр үг : таримал, цуглуулга, сорт, хадгалах, дескриптор, паспорт, бүртгэл, интродукци, каталоги
Үр дүн
1.Генийн санг 472 сорт дээжээр баяжуулж, нийт 19237 сорт дээжийн бүртгэл, мэдээллийн сантай болж, нийт дүнгээр 93423 анхан шатны үнэлгээ, судалгааны үзүүлэлтийг компьютерийн программд оруулав.
2.Арвайны 769, бог будааны 150 сорт дээжийн үрийг шинэчлэн, аж ахуй, биологийн ашигтай шинжүүдээр үнэлэн, судалгааны тоо материалыг компьютерт оруулан мэдээллийн сан байгуулав.
3.Судалгаанд нутгийн 50 сорт, гадаадын 1875 сорт экспидецээр цуглуулаж ирсэн 75 сорт дээжийг хяналт Орхон, Юнцо сорттой харьцуулан аж ахуйн биологийн 26 шинж тэмдэгээр үнэлгээ өгөв.
Халуунд тэсвэрээр сортуудын 23,4% буюу 117 сорт дээд зэргийн тэсвэртэй, 18 % буюу 90 сорт халуунд тэсвэртэй, 31,6% буюу 158 сорт халуунд дунд зэргийн тэсвэртэй, 27% буюу 135 сорт халуунд тэсвэргүй.
4.Ган тэсвэрийн үнэлгээгээр судалгаанд хамрагдсан бүх дээжийн 29,8% буюу 149 сорт дээж дээд зэргийн тэсвэртэй, 22,4% буюу 112 сорт ганд тэсвэртэй, 27,2% буюу 136 сорт дээж дунд зэргийн тэсвэртэй, 20,6% буюу 103 сорт ганд тэсвэр муутай үнэлгээ авлаа.
5.Солибцон тоос хүртдэг үндэс үрт ногооны 7 төрлийн хүнс, тэжээлийн 116 сорт дээж, 3 төрлийн гуатан ургамлын 41 сорт, байцааны 17 дээжийн үрийг сэргээн, үнэлгээ өгч, ашигтай шинж тэмдэгүүдээр шалгаруулав.
6.Нэг наст буурцагт 7 төрлийн таримлын 128 сорт дээжийн үрийн сэргээж, анхан шатны үнэлгээ өгч, шалгарсан сортуудын үрийг үржүүлэв.
7.Судлагдсан сортууд дундаас гарал нь тодорхойгүй и-15859 дугаартай сорт 11.5 ц/га, Японоос гаралтай Китаваса-соба сорт 9.96 ц/га үрийн ургацаар бусад сортоос шалгарч Китаваса соба сортын үр 50 кг ийг үржүүлж 1 га газар тариалах боломжтой болов.
8.Олон наст ургамлын цуглуулгын талбарыг 45 төрөл 90 зүйл сортын 258 ургамлаар баяжуулав.
9.Цуглуулганд 76 төрлийн 113 сорт, дээжинд үэлгээ өгч, нутагшсан сортоор Dahlia цэцгийн Мишээл сортыг батлуулж, 100 кг үр /булцуу/-тай болсон ба Гладиолус цэцгийн булцуунд бүлэглэл хийж, тэжээлийн талбайг сонгон зөвлөмж боловсруулсан
10.In- vitro нөхцөлд төмсний генофондын материалыг хадгалах аргачлал боловсруулав
11.Хянган Хангай, Дорнот говийн бүс нутгуудаас зэрлэг ургамлын цуглуулга хийж, 25 зүйлийн 421 бодгаль суулгац тариалан агро экологийн үнэлгээ өгсөн.