Салбар : Нийгмийн шинжлэх ухаан
Төслийн дугаар : 960038
Төслийн төрөл : ШУТ төсөл
Хугацаа: 2002-2003
Санхүүжилт: 3000000 мян.төг
Түлхүүр үг : Ажилгүйдэл, харилцаа, ажиллах хүч, ажил эрхлэлт зохицуулалт
Үр дүн
Уг төслийн удирдагч Улсын Их Хурлын гишүүн асан Н.Содномдорж “Хөдөлмөрийн тухай хуульд нэмэлт өөрчлөлт оруулах тухай” хуулийн төслийн Улсын Их Хурлын ажлын хэсгийн ахлагчаар ажиллаж (Улсын Их Хурлын нийгмийн бодлогын байнгын хорооны 2003 оны 03 сарын 13-ны 02-р тогтоолоор Н.Содномдоржийг уг ажлын хэсгийн ахлагчаар томилсон), “Хөдөлмөрийн зах зээлийг төлөвшүүлэх хууль эрх зүйн үндэс” төслийн судалгааны үр дүнг үндэслэл болгон Нийгмийн Хамгаалал Хөдөлмөрийн Яамны санаачлага дэмжлэгтэйгээр Улсын Их Хуралд оруулж 2003 оны 5-р сарын 21-нд нэмэлт, өөрчлөлтийг батлуулсан билээ. “Хөдөлмөрийн тухай хуульд нэмэлт, өөрчлөлт оруулах тухай” хуулийн гол шинэ чиглэл нь:
- Ажил гүйцэтгэх гэрээгээр ажиллагчдын нийгмийн даатгал үгүй болж тэд тэтгэвэрт гарахдаа ажилласан жил нь тооцогдохгүй болж өнөөгийн нийгмийн даатгалын тогтолцоо санхүүгийн хувьд бэхжиж чадахгүй болсоныг хааж хөдөлмөрийн гэрээг заавал хийх асуудлыг хуульчилсан.
- Улсын Их Хуралд дараа жилийн төслийг барихаас өмнө хамтын гэрээ хэлэлцээрийг батламжилсан байхыг хуульчилсан. Ингэснээр гурван талт хэлэлцээрийн асуудлууд хэрэгжих бодит нөхцлийг бүрдүүлсэн.
- Үйлдвэрлэлийн осол, хурц хордлогод өртсөн, мэргэжлээс шалтгаалсан өвчний улмаас хөдөлмөрийн чадвараа алдсан ажилтанд олгох цалинтай тэнцэх нөхөн төлбөрийг нэмэгдүүлэхийг хуульчилсан.
- Шинээр батлагдсан хөдөлмөр эрхлэлтийг дэмжих тухай, гадаадад ажиллах хүч гаргах, гадаадаас ажиллах хүч мэргэжилтэн авах зэрэг бусад хуулиудтай хөдөлмөрийн тухай хуулийг уялдуулах заалтуудыг хуульчилсан.
- Албадан хөдөлмөрийн тодорхойлолтыг гаргаж, түүнийг хориглон энэ талаар олон улсын конвенцид орох хууль эрх зүйн нөхцлийг хуулиар бүрдүүлсэн.