Хүнсний чанар, аюулгүй байдлыг хамгаалах арга зүй
Салбар : Инженерийн ухаан, технологи
Төслийн дугаар : 2117991
Төслийн төрөл : ШУТ төсөл
Хугацаа: 2001-2004
Санхүүжилт: 61,972.6 мян.төг
Түлхүүр үг : хүнсний хангамж, хяналт технологи, удам зүй, эгзэгтэй цэг, чанарын удирдлага, импорт, экспорт, менежмент
Үр дүн
1. - Max, сүү, гурил, талх, боов, исгэлтийн үйлдвэрлэлийн эгзэгтэй цэгийг тодорхойлох, хяналт тавих зарчмын бүдүүвч-зөвлөмж; - Хүнсний үйлдвэрийн технологийн жишиг бичиг баримт, зөвлөмж; - "Хүнсний бүтээгдэхүүний чанар,аюулгүй байдлыг хангаж,технологийн хяналтыг боловсронгуйболгох асуудалд" эмхэтгэл
2. "Хүнсний чанар, аюулгүй байдлын тухай орчин үеийн мэдлэгийн тайлбар - толь бичиг" ном нь 6 бүлэгтэй, хүнсний аюулгүй байдлын тухай үндсэн ойлголт, хүнсний бүтээгдэхүүний бүтэц, найрлрага,үйлдвэрлэлийн технологи, аюулгүй ажиллагаа, хүнсний нэмэлт, биологийн идэвхит баяжуулагч бодисууд, хүнсний бүтээгдэхүүний бохирдол, хүнсээр дамжин үүсч болох өвчин, эмгэг зэрэг 4000-аад нэр, томъёоны тайлбар, англи, орос, монгол хэллэгийг багтаасан 30 гаруй хэвлэлийн хуудастай.
3. "Барааг тодорхойлох кодлох уялдуулсан системийг хүнсний салбарт ашиглах нь" үндэсний аргачлалыг боловсруулахдаа олон улсын аргачлал, ОХУ, ХБНГУ-ын эрх зүйн болон сургалтын бичиг баримт, өөрийн улсын холбогдох хууль, тогтоомж зэрэг хэвлэл, мэдээллийн нийт 10 эх сурвалжийг ашиглан боловсруулав. Уг аргачлал нь 5 бүлэг, 6 дэд бүлэгтэй, 2,5 хэвлэлийн хуудастай бөгөөд түүнийг эхний ээлжинд 300 ширхэг хэвлэж, гаалийн байгууллагууд болон худалдаа, үйлдвэрлэл эрхлэгчэд хүргээд байна.
4. Манай улсад үндэсний стандарт болгон мөрдөж байгаа Олон улсын стандартын байгууллага (ISO), Дэлхийн эрүүл мэндийн байгууллага, НҮБ-ын Хүнс, ХАА-н байгууллагын хамтарсан Хүнсний эрх хорооны стандартууд (САС)-ын тухай мэдээллийн эмхэтгэлийн эхийг бэлтгэв. Эмхэтгэл нь олон улсын байгууллагын 209 стандартын тухай мэдээлэл агуулсан бөгөөд хүнсий гадаад худалдааны эргэлтэнд оролцогчид, мэргэжлийн хяналтын байцаагчид, үйлдвэрлэл эрхлэгчид, эрдэм шинжилгээ, сургалтын байгууллагуудад чухал хэрэгцээтэй болох эхний цөөн хувиас харагдав.
5. Хүнсний үйлдвэрийн эгзэгтэй цэгийн хяналтын НАССР системийн мөн чанар, үйлдвэрт уг системийг нэвтрүүлэх ажлыг зохион байгуулах төлөвлөгөө боловсруулах, технологийн дамжлагын үе шат бүрт үнэлгээ өгч, аюулын эгзэгтэй цэгийг тогтоох, хяналтыг хэрэгжүүлэх арга хэлбэр зэрэг гол асуудлуудыг багтаасан зөвлөмжийг боловсруулж, корпорацийн эрдмийн зөвлөлөөр 2 удаа хэлэлцэж, батлав.
6. Гэрээний дагуу эх орны болон импортын хүнсний бүтээгдэхүүний эрүүл ахуй, чанарын үзүүлэлтийн шинжилгээний 1996-2001 оны үр дүнг нэгтгэн боловсруулсан бөгөөд бүтээгдэхүүний чанар, эрүүл ахуйн байдалд бодитой үнэлгээ өгөх зорилгоор 2002-2003 оны үзүүлэлтүүдийг мөн боловсруулж, дүн шинжилгээ хийсэн болно.
7. * Сүүн хүчлийн бичил биетний цэвэр өсгөврийг ялгах, өсгөврлөх, эсэг цагаан идээний эх хөрөнгө бэлтгэх, хуурай хөрөнгийг сэргээн үйлдвэрлэлд ашиглах технологийн үлгэрчилсэн заавар; * Эсэг цагаан идээний цэвэр өсгөврийн хөрөнгө, MNS Хүнсний бүтээгдэхүүний үйлдвэрлэлийн цэвэр өсгөврийн хөрөнгийг улсын бүртгэлд бүртгэх, хяналт тавих журмын төсөл