Автотээврийн хэрэгслийн ашиглалтын нөхцлийн судалгаа
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 2002-2004
Санхүүжилт: мян.төг
Түлхүүр үг : Автомашины ашиглалтын нөхцөл, халуун хүйтэн бүсийн техникийн хохирол, ерөнхий шаардлага, заам тээврийн осол хэрэг, байршил зүйн зураглал
Үр дүн
1. Автомашины ашиглалтанд нөлөөлөх байгаль, цаг уурын хүчин зүйлийн судалгааг газрын гадарга, уулын нөхцөл, хөрсний бүтэц, уур амьсгал, агаарын температур, хур тунадас, агаарын чийгшил, цасан бүрхүүл, гол мөрний үзэгдэл, хаврын шар усны үер, зуны хур борооны үер, их халуун, салхи шуурга зэрэг хувьсалт, өөрчлөлтийн байдалд дүн шинжилгээ хийв.
2. Автомашины ашиглалтын техникийн хахиршлын судалгааны математик загварыг зохиож хүйтэн ба халуун, хуурай цаг уурын нөхцлийг автотээврийн ашиглалтын байдалд зохицуулан тогтоож дүгнэлт, санал гаргав.
3. Ачаа тээвэрлэлтийн зохицуулалтын хүрээнд эрх зүйн орчныг бүрдүүлэх стандартуудыг боловсруулж батлуулан улсын хэмжээнд мөрдүүлэв
4. Улаанбаатар хотод зам тээврийн осол олон удаа давтагдан гардаг гудамж, зам, уулзварын байршлын судалгаа, осол зөрчлийн тоо, нөхцөл байдлын үнэлгээ гаргах судалгааны арга зүйг сонгож боловсруулсан.
5. Улаанбаатар хотод сүүлийн 3 жилд гарсан ЗТО-ын судалгааг үндэслэн ослын тоо хэмжээг хотын замын сүлжээнд тодорхой байрлалаар, масштабаар дүрсэлсэн ЗТО-ын гаралтын байршлын зураглал (картограмм) байгуулав.
6. Хот хоорондын гол чиглэлийн авто замын техникийн байдал хөдөлгөөний нөхцөл, хүчин зүйлийн нөлөөллийн судалгааг дараах чиглэлээр(Улаанбаатар-Дархан-Сэлэнгэ-Алтанбулаг, Улаанбаатар-Өвөрхангай, Улаанбаатар -Хархорин, Улаанбаатар-Багануур) явуулж техник ашиглалтын түвшинг замын гадаргуугийн тэгш байдал, хучилтын бат бэх, гадаргуугийн гулсалтын үзүүлэлт ба барзгаржилт, хөдөлгөөний хурдны хангалт зэрэг үзүүлэлтүүдээр үнэлгээ дүгнэлт өгсөн.
7. Хот хоорондын гол чиглэлийн замын хөдөлгөөний нөхцөл, эрчим ачаалал, хүчин зүйлийг тогтоосон. Хот хоорондын гол чиглэлийн замд зам тээврийн ослын шинжилгээ хийж дүгнэлт гаргасан ба хөдөлгөөний хурд ЗТО-ын нөлөөллийн хамаарлыг гаргав.
8. Зам тээврийн ослын үүсвэрийг арилгах, хөдөлгөөний аюулгүй байдлыг хангах арга замын талаар өгөх зөвлөмж гаргасан.