Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1986-1990
Санхүүжилт: 733.6 мян.төг
Түлхүүр үг : уриншлалт, технологи, хучлага, өнгөц, гүн, чийг, гадарга
Үр дүн
1. Уриншлалтын дараа ба тарихын өмнө хөрсний 1.0метрийн үе давхаргад агуулагдаж байгаа бүтээгдэхүүний чийг уринш боловсруулах технологи, ээлжлэн тариалалтаас хамаарахгүйгээр адил хэмжээнд байна. Тоон үзүүлэлтийн хувьд авч үзвэл зун /6-р сард/ гүн хавсан технологи тарихын өмнөх чийгээр бусдаасаа 1.0-10мм-ээр их байхын зэрэгцээ сүрлэн хучлага хэрэглэхэд хөрсний чийг 6.0-10.4мм-ээр илүү байна.
2. Уриншийг гүн хавах ба хагалах технологиор боловсруулахад хөрсний 1.0м үеийн бүтээгдэхүүний чийг 26.2-32.6мм-ээр нэмэгдэж, тэр хугацаанд орсон тунадасны 12-15% хөрсөнд шингэсэн нь чийг хуримтуулах чадвараар илүү байж улмаар зун гүн хавах технологиор боловсруулсан уриншийг өвөлжих хугацааны чийгийн алдагдал бусад хавж элдэншүүлсэн технологиос 2.6мм-ээр бага байгааг харуулав.
3. Уриншлалтын дараа талбайн гадаргад анх байсан гуурсны 14.1-18.5% буюу 96.2-102.3ш/м2 гуурс үлдэж байна. Сүрлэн хучлага хэрэглэхэд уринш боловсруулалтын эцэст талбайн гадарга дахь гуурс ургамлын үлдэгдэл 54-60%-иар буюу нэг ам дөрвөлжин талбайд 136-152 ширхэгээр нэмэгдэж хөрсний хийслэлтийг 25-44гр/м2-аар багасгаж байна. Хөрс хамгаалах хаван сийрүүлэх технологийг иж бүрэн мөрдөж сүрлэн хучлага хэрэглэхэд хөрсний элэгдэхүй 104.9гр/м2-аар багасаж хөрсийг салхин элэгдлээс найдвартай хамгаалж болох нь судалгааны материалаар нотлогдов.
4. Эдийн засгийн хувьд өнгөц хавсан хувилбар илүү байгаа боловч хөрсөө салхины элэгдлээс хамгаалаад эдийн засгийн хувьд өгөөжтэй байх агро-эдийн засгийн зохистой технологи нь өнгөц хавах ба зун гүн хавах технологиуд юм.