Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1986-1990
Санхүүжилт: 402.3 мян.төг
Түлхүүр үг : улаанбуудай, түрүү сонголт, удмаар сонгох, эх материал, үржүүлэг, талбар
Үр дүн
- Ганцаарчилсан сонголтын аргаар улаан буудайн Грекум-114, Саратов-29 сортуудын тариалангаас 7-оос доошгүй шинж тэмдгээр үнэлж бүгд 67000 түрүү сонгов. Мөн бөөний сонголтын аргаар Грекум-114 сортын тариалангаас 6 шинж тэмдгээр үнэлж, 800000 ширхэг түрүү, Саратов-29 сортын тариалангаас 90000 ширхэг түрүү сонголоо. Үүнээс гадна сортын үрийн тариаланг сэргээх зорилгоор сөрөг сүрэгчилсэн сонголт хийж 8тн үр хураасан.
- Удмаар үнэлэх 1 дэх жилийн талбарт буудайн 2 сортын бүгд 9700 бүл удмыг тус бүрээр нь үнэлж 2212 бүлгийг нь сонголоо.
- Удмаар үнэлэх 1 дэх жилийн талбараас сонгогдсон бүлүүдийг лабораторийн нөхцөлд дахин үнэлж сонголт хийхэд 5м2-ын дэвсэгт бүл тус бүрээр нь ижил нормоор тарьж удмаар үнэлэх 2 дахь жилийн талбарыг байгууллаа. Энэ талбарт бүгд 999 бүл удмыг үнэлж, 220кг үр хурааж авлаа.
- Суперэлит болон элит үрийн талбарыг байгуулах өөрийн эх материал бүрдээгүй учраас Дарханы УГТСЭШХ-ээс Саратов-29 сортын III үржүүлгийн үрийг 1988 оноос жил бүр авч, суперэлитийн талбарыг бүгд 80га-д тариалж 60тн суперэлит үр үйлдвэрлэлээ.
- Амуу тарианы үрийн аж ахуйн технологийг боловсронгуй болгох зорилгоор эх материал сонгох аргыг боловсронгуй болгох, тарих үрийн тохиромжтой норм тооцох арга зүй боловсруулж туршлага тавив.