ХАА-н таримлын генофондыг бүрдүүлэх, судлах, сонгон шалгаруулах
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1986-1990
Санхүүжилт: 592.4 мян.төг
Түлхүүр үг : дээж, шинж чанар, үнэлгээ, эрт болц, өвөлжих, зусах, эрлийзжүүлэг,
Үр дүн
1. 1986-1990 онд үр тарианы таримлын генофондыг байгуулж цуглуулгын судалгаанд давхардсан тоогоор 808 сорт дээжийг хамруулж, биологи-аж ахуйн шинж чанараар нь үнэлгээ өгч селекцийн эх материал эрлийзжүүлэгт ашиглах сорт дээжийг илрүүлэв. Одоо манай үр тарианы генийн санд буудайн 746, арвайн 36, хошуу будааны 20, бог будааны 8, тритекалийн 12, эрдэнэшишийн 30, бүгд 852 сорт дээж хадгалж байна.
2. Селекцийн эх материалын, эрлийзжүүлгийн хувирсан ба эрлийз удмын, популяци удмын селекцийн I, II жилийн хяналтын үндсэн сорилтын талбаруудыг шинээр байгуулж өвөлжих буудайг байгалийн нөхцөлд зусах болгон хувиргах, зусах буудайн сорттой эрлийзлэх 2 аргаар гаргасан зусах буудайн селекцийн эх материал 15728 удамтай болов.
3. Дорнод талын бүсэд зохицон ургах чанар сайтай арвин ургац өгөх зусах буудайн сортууд со¸ололтоос түрүүлэлт хүртэлх хугацаа урт, бутлалтын үе шатнаас эхлэн өсөлт нь удаан явагддаг, зуны бороо орж эхлэнгүүт түргэн өсч түрүүлж чаддаг, бүс нутгийн чийг дулааныг нэмэгдэх хэмд тохирч ургах хурдацтай, түрүүлэлтээс аарцан бололт хүртэлх хугацаа богино үр цутгалт эрчимтэй явагддаг биологийн гол онцлогтой байна.