Цөцгийн тосны үйлдвэрлэлээс гарах тосгүй сүүг хатаах, хүнсний зориулалтаар ашиглах технологи, техник эдийн засгийн оновчтой шийдэл боловсруулах
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 1990-1990
Санхүүжилт: мян.төг
Түлхүүр үг : пүүс, давхарга, бүтээгдэхүүн, эд анги, зангилгаа
Үр дүн
Сэдвийн хүрээнд хийсэн харьцуулсан судалгаагаар дэлхийд Дани улсын Ниро-Атомайзер , Анхидро зэрэг пүүсүүдийн технологи, тоног төхөөрөмж нь хамгийн сайн чанартай бүтээгдэхүүн үйлдвэрлэх бололцоог өнөөгийн байдлаар хангаж байгаа бөгөөд үүнээс Ниро-Атомайзер пүүсийн цахилгаанаар ажилладаг бага оврын р 6.3 маягийн хатаах төхөөрөмж нь манай улсын өвөрмөц нөхцөлд нэн тохиромжтой болохыг сонгон тогтоов.
Хуурмаг шингэн давхаргад сүү болон хүнсний төрөл бүрийн бүтээгдэхүүн хатаах туршилтыг СКИ-2 маягийн хатаах төхөөрөмж дээр явуулав. Туршилтын дүнд энэ аргаар сүүг хатаах нь практикт тохиромжгүй юм гэж үзээд харин хүнсний төрөл бүрийн бүтээгдэхүүн ялангуяа ногоо, жимсний төрлийн бүтээгдэхүүнийг хатаах нь илүү ашигтай юм гэж дүгнэсэн.
Туршилтын дүнд Дани улсын Ниро-Атомайзер пүүстэй хамтран р 6.3 маягийн төхөөрөмжүүдийг олноор угсрах болон зарим эд анги, зангилгааг авч Монголд үйлдвэрлэх хамтын үйлдвэр байгуулах цаашид тухайн салбарт технологийн хөгжлийн өндөр түвшинд хүрсэн Дани, Голланд, АНУ зэрэг орнуудтай хамтран ажиллах талаар зохих алхамыг ойрын үед хийх нь зүйтэй гэж үзэв.