Хүүхдэд зонхилон тохиолдох өвчлөлийн бүтэц, шалтгаан, оношлогоо, эмчилгээг боловсронгуй болгох
Салбар : Анагаах ухаан, эрүүл мэндийн шинжлэх ухаан
Төслийн дугаар : 9070000
Төслийн төрөл : ШУТ төсөл
Хугацаа: 2003-2005
Санхүүжилт: 45048000 мян.төг
Түлхүүр үг : төрөлхийн гажиг, эрүүл гүйцэд төрсөн нярай, тархины чанд авиан зураглал, сагиталь, нүүрэн талын, аксиаль огтлол, тархины хажуу ховдлын хэмжээ
Үр дүн
1. Судалгаанд хамрагдсан нярайн тээлтийн нас нь 37-42 долоо хоног, биеийн жин 3200-4100 грамм, 61 буюу 50,8 % нь эмэгтэй, 59 буюу 49,2 % нь эрэгтэй гүйцэд нярай хүүхэд байлаа. Дундаж жин 3,31 ± 0.5 кг, тээлтийн нас 38.8 ± 1.02 долоо хоног, Апгарын үнэлгээ амьдралын эхний минутанд 8,2 ± 0.11, 5 дахь минутанд 8,7 ± 0,09 байлаа. Судалгаанд хамрагдсан дээрх 120 нярайн тархийг нэг бүрчлэн чанд авиагаар сагиталь, нүүрэн талын, аксиаль огтлолуудаар шинжилж, хэвийн зураглалыг тогтоов.
2. ЭНЭШТ-д нийт 43 Урагт архинаас үүсэх хамшинжтэй хүүхэд төрсөн нь 1000 амьд төрөлтөд дунджаар 4 оногдож байна. Урагт архинаас үүсэх хамшинжтэй хүүхэд төрүүлсэн эхчүүдийг эрүүл хүүхэд төрүүлсэн эхчүүдтэй харьцуулахад харьцангуй залуу (OR=2.6 95% CI 1.6-4.2), бага боловсролтой (OR=2.2 95% CI 1.7-11.3), энэ хүүхдээ хүсээгүй (OR=3.1 95% CI 1.5-9.2), урьд нь үр хөндүүлж байсан (OR=3.1 95% CI 1.5-9.2) болон жирэмсний хяналтанд хожуу орсон (OR=3.8 95% CI 2.6-7.8) эхчүүд байлаа. Хэдийгээр жирэмсэн үеийн согтууруулах төрлийн ундааны хэрэглээ 2 бүлэгт ижил өндөр байсан ч тохиолдлын бүлгийн эхчүүд жирэмсний эхний 3 сард их хэмжээтэйгээр хэрэглэсэн байлаа.
3. Улаанбаатар хотод 1990-1999 онд нийт 123021 нярай, 2000-2004 онд 73922 нярай амьд төрсөн бөгөөд ТГХ-н тархалтыг 1000 амьд төрөлтөнд тооцож үзэхэд 1990-1999 онд 1.48, 2000-2004 онд 2.15 байна.
Нярайд зонхилон тохиолдох гажиг: ЗСТГ(19,5%), ХБЭТГ (18,2%), ТМТГ (10,1%) зонхилон тохиолдож байна.
Судалгаанд ТГХ нь төрөх үед болон хожуу (91.8%) оношлогдсон байгаа нь пренаталь оношлогоо хангалтгүй байгааг харуулж байна.
4. Судалгаанд хамрагдсан үтрээний ялгадас зовиуртай 346 бэлгийн бойжилтын өмнөх насны 15(6.01%) охинд нь candida albicans, 1(0.2%) охинд N.Gonrrhoeae, 29(8.38%) H.Infuenzae , 75(21.67%) Coliforn aerogenes bacteria (E.coli, enterobacteria, proteus) Enterbious vermicularis 185(53.46%) охинд илэрсэн.
5. Энэ судалгаагаар хүүхдэд БАД үүсгэж буй шалтгааны нэгдүгээрт бөөрний түүдгэнцрийн үрэвсэлт эмгэг 53.3% (32), хоёрдугаарт бөөр шээсний замын гажиг хөгжил 32.3% (20), дараа нь сувганцрын эмгэг 6.5% (4), удамшлын нефрит 4.8% (3), төрөлхийн хавагнах хамшинж 1.6% (1) тус тус орж, 3.2% (2)-д шалтгаан тогтоогдоогүй байна. Бөөрний эмгэгийн үед мэргэжлийн эмчид хожуу хандах (OR=12.09), стандарт эмчилгээ хийгдэхгүй (OR=9.2) зэрэг нь БАД үүсгэхэд нөлөөтэй нь харагдлаа. Энэ судалгаагаар хүүхдэд БАД үүсгэж буй шалтгааны нэгдүгээрт бөөрний түүдгэнцрийн үрэвсэлт эмгэг 53.3% (32), хо¸рдугаарт бөөр шээсний замын гажиг хөгжил 32.3% (20), сувганцрын эмгэг 6.5% (4), удамшлын нефрит 4.8% (3), төрөлхийн хавагнах хамшинж 1.6% (1) тус тус орж, 3.2% (2)-д шалтгаан тогтоогдоогүй байна. Бөөрний эмгэгийн үед мэргэжлийн эмчид хожуу хандах (OR=12.09), стандарт эмчилгээ хийгдэхгүй (OR=9.2) зэрэг нь БАД үүсгэхэд нөлөөтэй нь харагдлаа.