Дотрын эмгэг
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 570700¥ мян.төг
Түлхүүр үг : савханцар, иог, сигмостаз, цекостаз, биж, бүдүүн гэдэс
Үр дүн
Өтгөн хаталттай өвчтөнийг илрүүлэх асуумжаар 950 хүнийг хамруулан судлахад өтгөн хатах хамшинж илэрч байгаа, өтгөн хатах хамшинжтэй өвчтөний эзлэх хувь (66%) байв. Өтгөн хатах хамшинж эмэгтэйчүүдэд илүү тохиолдож байгаа нь (2:1) тогтоогдлоо. Ажлын нөхцлөөр авч үзвэл оюуны хөдөлмөр эрхэлдэг хүмүүс нь (67%) биеийн хүчний хөдөлмөр эрхэлдэгээсээ (23%) илүү өтгөн хаталттай байна. Бидний судалгаагаар өтгөн хатахад хоолны дэг алдагдал, хоол боловсруулах замын өвчин, сэтгэл санааны хямрал зэрэг их нөлөөтэй байгаа нь харагдсан.
3-аас олон хоногоор өтгөн хатдаг зовиур бүх хүнд илэрснээс гадна хэвлийгээр өвдөх, гэдэс дүүрэх, ходоодны биж, мэдрэл сульдлын хамшинж тод илэрч байв.
Бүдүүн гэдэсний гэрлийн шинжилгээгээр махир гэдэс урт 20,3%, бүх бүдүүн гэдэсний тэлэлт 12,5%, гэдэсний хөдөлгөөн удааширсан 28,1%, бүдүүн гэдэсний гаустр тэнэгэр 28,10%, гэдэсний хөдөлгөөн түргэссэн 7,8%, бүх бүдүүн гэдэсний суналт 1,6%-д илэрснийг үндэслэн дээрхи өөрчлөлтүүдийг өтгөн хатах хамшинжийн үед илрэх шалгуур болгож авав. Бүдүүн гэдэсний дурангийн шинжилгээгээр бүдүүн гэдэсний хананы сулрал 19%, хананы агчил 16,6%, салстын хөөлт 26,2%, салстын улайлт 11,9%, гэдэсний хананы хугиас тэнэгэр 4.8%, гэдэсний диаметр өргөссөн үзүүлэлт 4,8%-д илэрснийг үндэслэн шалгуур болгож авав. Чанд авиан шинжилгээгээр цөсний гэрийн үрэвсэл, цөсний сөргөө, ходоодны гарах хэсгийн өөрчлөлтийг илрүүлсэн нь хоол боловсруулах замын өвчин өтгөн хатахад нөлөөлөх гол шалтгаан болохыг баталж байна.