Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 1135.8 мян.төг
Түлхүүр үг : хүзүү, сээр, биеийн өндөр, бүсэлхий, сагиталь голч, дискийн зузаан
Үр дүн
Насанд хүрсэн эрэгтэй эмэгтэй монгол хүний нурууны нугаламын хэмжээг энгийн хэмжил зүй, рентгенограммын шинжилгээний аргаар хослон хийж, тэдгээр үзүүлэлтүүдийг хооронд нь харьцуулан, биеийн өндөр нурууны нугаламын хэмжээний хамаарлыг тодорхойлов.
Уг судалгаагаар хүзүүний (C3-C7), сээрний (Th1-Th12), бүсэлхийн (L1-L5) нурууны нугаламын их биеийн өмнөд өндөр, их биеийн дунд өргөн, их биеийн сагиталь голч, дискийн зузааны үзүүлэлтүүдийн дундаж хэмжээг тодорхойлов. Эдгээр үзүүлэлтүүд нь хүзүүний нурууны (C3-C7) нугаламаас эхлэн сээр (Th1-Th12), бүсэлхийн (L1-L5) нугалам хүртэл аажим ихсэж байгаа байдал ажиглагдаж байна. Нурууны нугаламын хэмжээг тогтоосон антропометрийн болон физиологи хөдөлгөөний үеийн үзүүлэлтүүд нь хоорондоо статистик магадлалтай ялгаагүй байна.
Биеийн өндөр, багана нурууны хэмжээний хооронд (r=0,6982) шууд, хүчтэй хамааралтай, нугалам тус бүрийн өндөр болон бусад үзүүлэлтийн хооронд шууд, сул (r=0,3878, 0,0079, 0,2251) хамааралтай байна.