Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 432.0 мян.төг
Түлхүүр үг : натри, фосфор, хлор, төмөр, кальци, кали
Үр дүн
Шинжилгээний дүнгээс үзэхэд ходоодны хавдартай эмчлүүлж буй өвчтний ийлдсэнд натри эрэгтэйчүүдэд их, эмэгтэйчүүдэд бага байгаа боловч натри, калийн дундаж агуулга нь олон улсын дундаж үзүүлэлтийн түвшинд, ийлдсэнд байх зөвшөөрөгдөх доод хэмжээнээс кальци бага, фосфор, төмөр, хлор зөвшөөрөгдөх хэмжээнээс их агуулгатай байна. Кальци, фосфорын харьцаа 0.7 байгаа нь ийлдсэнд байвал зохистой хэмжээнээс кальци 2-3 дахин бага байна.
Судалгаанаас үзэхэд кальци ммоль/л-ээр ходоодны хавдрын үед 1.0-5.2, хөхний хавдрынх 0.5-3.3, ясны хавдрын үед 0.4-3.7, бүдүүн гэдэснийх 0.6-2.6, өндгөвчний хавдартай үед 0.6-5.2, элэгний хавдартай үед 1.0-5.8, нойр булчирхайн үед 2.7-5.5 агуулагдаж байна.
Судалгааны дүнг эрүүл хүний цусны ийлдэс дэх кальцийн дундажтай харьцуулахад ходоодны, хөхний, ясны, бүдүүн гэдэсний хавдрын үед кальцийн хэмжээ багассан, өндгөвчний хавдрын үед өөрчлөлтгүй, харин элэгний болон нойр булчирхайн хавдартай өвчтөнд кальцийн түвшин өндөр байх зүй тогтол ажиглагдаж байна.