Бүсүүдийн хөдөө аж ахуйн салбарын байршил, зохистой бүтэц
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: мян.төг
Түлхүүр үг : загвар, шийд, мал, адуу, тэмээ, үхэр, хонь, малын гаралтай бүтээгдэхүүн
Үр дүн
- Газар, хөдөлмөрийн нөөцөндөө тулгуурлан улсын хэмжээгээр жилд 6542.6 мян ширхэг арьс, 1200 мян ширхэг шир, 311 мян тонн гурил, 592.8 мян тонн улаан буудай, 133.4 мян тонн төмс, 358.9 мян тонн тэжээлийн үр тариа, 77.8 мян тонн дарш үйлдвэрлэхээр байна. Мөн 445.8 сая литр сүү, тэмээний мах 2.4 мян тонн, адууны мах 36.5 мян тонн, үхрийн мах 107.7 мян тонн, хонины мах 64.1 мян тонн, ямааны мах 39.5 мян тонн, тэмээний ноос 1.8 мян тонн, хонины ноос 14.6 мян тонн, ноолуур 2700 тонныг жилд үйлдвэрлэхээр байна. Эндээс улсын хэмжээгээр жилд олох орлого нийтдээ 467.16 тэрбум төгрөг байгаа нь 1998 онд ХАА-н салбараас олж байсан орлогоос даруй 90 гаруй тэрбум төгрөгөөр буюу 10-аад хувь илүү байна. Энэ байдлаас харахад ХАА-н салбар бол манай орны эдийн засгийн тулгуур салбар мөн гэдгийг нотолж байна.
- Мах үйлдвэрлэлийн 50 гаруй хувийг одоо байгаа мах боловсруулах үйлдвэрүүд боловсруулж чадахаар байгаа бөгөөд эндээс Төв бүсээс бусад бүсийн хувьд боловсруулах үйлдвэрүүдийнхээ хүчин чадлыг ихэсгэх эсвэл нэмж үйлдвэр байгуулах шаардлагатай юм. Ноос боловсруулах үйлдвэрүүдийн хувьд нэмж 29 мян тонн боловсруулах хүчин чанадлтай үйлдвэр байгуулах эсвэл ноос боловсруулах үйлдвэрүүдийн хүчин чадлыг нэмэх хэрэгтэй байна. Мөн гурилын үйлдвэрүүдийн хувьд бүх бүсэд хүчин чадлаа нэмэгдүүлэх хэрэгтэй нь харагдлаа. Хүн амынхаа хүнсний гол нэрийн бүтээгдэхүүн болох мах, гурил, төмс, хүнсний ногооны хэрэгцээг дотоодын үйлдвэрлэлээр хангах бүрэн боломжтой юм.