Хөвсгөл нуурын орчны эко-биологийн судалгаа
Салбар : Байгалийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1996-1998
Санхүүжилт: 5249,4 мян.төг
Түлхүүр үг : Шувуу, ургамал, хөхтөн, зүйл, төрөл, эрэг, өмнөд хэсэг, булан, хромсом, ханх, хороо
Үр дүн
1.Хөвсгөл нуурын өмнөд хэсэг Хатгал, Жанхай, Онголог, Алагцар орчим гол төлөв нуга, уулархаг хээрийн тодорхой цэгт хөрсний 7 зүсэлт хийж 26 дээжид хийсэн задлан шинжилгээнээс үзвэл хөрсний үрлэн ширхэг жижгэрч ялзмагт давхраа нимгэрч байгаа нь 1975 оны судалгаатай харьцуулахад илэрхий байна. Энэ нутгийн хүний үйл ажиллагаа, малын билчээрлэлт хэт ихсэх хандлагатай байна.
2.Нуурын өмнөд хэсгийн хөрсөнд 1 г-д 1,5-2,5 сая микроорганизм байгаагийн 72-79% нь бактери, 18-23% нь актиномицет, 4-10% мөөг байна. Хөрсөнд бактер зонхилж байгаа нь хөрсний хатуу хэсэг их, цаг уурын хатуу нөхцөлтэй холбоотой.
3.Дээрх нутгуудад 1997 онд 68 зүйл шувуу бүртгэгдсэнээс улаан номын хээрийн галуу, хошуу галуу, гангар хун, усны цагаан сүүлт бүргэд тохиолдож байв
4.1997 оны 7 сард Хөвсгөл нуурын усны эрдэсжилт 0-140 м гүнд 225мг/л, хүчилтөрөгч 9 мг/л, усны температур 3.6 хэм байсан ба усны хүчилтөрөгчийн хэлбэлзэл 7,9-10,5 мг/л-ийн хооронд хэлбэлзэж байна. Нуурын усанд 17 овог, 22 төрөл, 44 зүйл ургамал ургаж байгааг бүртгэв. Хөвсгөл нуурт цутгах 52 нэрийн гол, 25 нэрийн булангийн нэрийг бүртгэв.