Бөөрний архаг дутагдалтай өвчтний эмчилгээний хоолны бодит байдлыг судалсан дүн
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 1513.0 мян.төг
Түлхүүр үг : үндсэн шимт бодис, урагмлын гаралтай уураг, илчлэг, нүүрс ус, уураггүй талх, өөх тос
Үр дүн
Судалгаанд нийт 102 хүн хамрагдсанаас 63.7% нь эмэгтэй, 36.3% нь эрэгтэй байсан ба, 16,6% нь дээд, 21.5% нь тусгай дунд, 49% нь бүрэн дунд, 11.7% нь бага, 0.9 нь боловсролгүй хүмүүс байв.
Орон байрны нөхцлөөр нь ангилахад 52.9% нь гэрт, 36.2% нь орон сууцанд тус, тус амьдардаг байна. Судалгаанд хамрагдсан бүх хүн өдөр бүр махан хоол хэрэглэдэг ба 59.8% нь өдөрт 2 удаа, 15.6% нь өдөрт 3 удаа махан хоол хэрэглэдэг байна.
Судалгаанд хамрагсдын 86.2% нь өдөрт 2-3 удаа гурилан бүтээгдэхүүн хэрэглэдэг ба, хүнсний ногоог 42.1% нь зөвхөн намар, 7.8% нь хааяа хэрэглэдэг.
Сүү цагаан идээг 43.1% нь зөвхөн зуны улиралд, 17.6 хувь нь хааяа боломжтой үедээ, жимс жимсгэнийг 41.2% нь хааяа 57.8% нь огт хэрэглэдэггүй байна.
Улсын клиникийн төв эмнэлэг нь бөөрний архаг дутагдалтай өвчтнүүдэд 7а ширээний хоолыг олгодог ба энэ ширээний хоолны уураг 25 г, өөх тос 70 г, нүүрс ус 350 г, илчлэг нь 2200 ккал байх ба өвчтөн хоногт 5-6 удаа хооллох ¸стой.
Хэвтэн эмчлүүлж буй бөөрний архаг дутагдалтай нэг өвчтөн хоногт дунджаар амьтны гаралтай уураг 14.1, ургамлын гаралтай уураг 11.3, өөх тос 13.5 г, нүүрс ус 118.9, илчлэг 715 ккал авч байсан ба энэ нь авах ¸стой амьтны гаралтай уураг 94%, ургамлын гаралтай уураг 113, өөх тос 16.8%, нүүрс ус 33.9%, илчлэг 32.5%-ийн хангалттай байгааг харуулж байна.
Амьтны болон ургамлын гаралтай уургийн харьцаа 1:1.2 байна. Өвчтөнд хоногийн хоолны нийт илчлэгийн 5.3%-ийг өглөө, 57.6%-ийг өдөр, 37.05%-ийг орой тус тус олгож байв.
Хоногийн хоолны нийт илчлэгийн 15.6%-ийг уургийн илчлэг, 17%-ийг өөх тосны илчлэг, 67.3%-ийг нүүрс усны илчлэгээс авч байна.
Дүгнэлт
1. Бөөрний архаг өвчтэй хүмүүсийн хэрэглэдэг хүнсний бүтээгдэхүүний нэр төрөл цөөн, голчлон мах, гурилан бүтээгдэхүүн хэрэглэдэг ба хүнсний ногоо, сүү цагаан идээ, жимс жимсгэний хэрэглээ харьцангуй бага байгаа нь хоол тэжээлийн зохистой харьцаа алдагдахад хүргэж байна.
2. Эмнэлэгт хэвтэн эмчлүүлж буй бөөрний архаг дутагдалтай өвчтний хэрэглэж буй эмчилгээний хоолны найрлага, илчлэг физиологийн нормын хэмжээнд хүрэхгүй байна.
3. Бөөрний архаг дутагдлын үеийн эмчилгээний хоолны гол зарчим болох уургийн илчлэгийг гамнаж, өөх тос, нүүрс усны илчлэгээр хоногийн нийт илчлэгийг нөхөх явдал, хоол тэжээл дахь үндсэн шимт бодисын харьцаа алдагдасан байна.
4. Лабораторийн нөхцөлд гаргаж авсан уураггүй талх , Натригүй давс -ыг практикт нэвтрүүлэх нь эмчилгээ, сувиллын ач холбогдолтой.