Хоол тэжээл-эрүүл мэнд
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1997-1999
Санхүүжилт: 1200.0 мян.төг
Түлхүүр үг : уураг, азот, уургийн шингэц, азотын тэнцэл, илчлэг, зохистой хэмжээ
Үр дүн
Эрүүл мэндийн үзлэг, антропометрийн хэмжилт, лабораторийн шинжилгээгээр хэвийн, эрүүл гэж оношлогдсон 62 хүнд азотын тэнцлийн судалгааг дунджаар 4-6 хоногийн туршид хийлээ.
Хоногт хоолоор авч байсан уургийн хэмжээг азотод шилжүүлбэл 18-30 насны бүлэг 216.7 мг/кг/хо, 31-60 насны бүлэг 172.9 мг/кг/хо, дунджаар 206.4 мг/кг/хо азот тус тус хоолоор авч байв. Азотын төсөөлсөн шингэц 87,5%, жинхэнэ шингэц 93,5% байхад өөх тосны шингэц 48%, нүүрс усны шингэц 88,1% тус тус байна. Монголчуудын өдөр тутмын хэрэглэж заншсан холимог хоолны уургийн шингэцийг жишиг уурагтай харьцуулахад 98,5% байна.
Азотын тэнцэл насанд хүрсэн хүнд дунджаар -31.8±36.2 мг/кг/хоног буюу азотын сөрөг баланстай байв.
Дүгнэлт
1. Насанд хүрсэн хүн 1.3 г/кг уураг хоногт хэрэглэхэд азотын тэнцэл ихэнх хүмүүсийн хувьд сөрөг байсан ба дундаж баланс -31.8 мг/кг/хо байна. Азотын тэнцэлд нас ба хүйсийн ялгаа ажиглагдсангүй.
2. Шээсээр хоногт алдагдах азотын нийт хэмжээ дунджаар 208.45 мг/кг байна. Эрүүл насанд хүрсэн хүний шээсээр хоногт 25776.3±3756.8 мг мочевин, 1196±305.9 мг креатинин, 566.3±147.1 мг шээсний хүчил тус тус ялгарч байгаа бөгөөд нас, хүйсийн ялгаагүй байна.
3. Насанд хүрсэн хүний баасаар хоногт дунджаар 25 мг/кг азот алдагдаж байв.
4. Хэдийгээр монгол хүний өдөр тутам идэж хэрэглэдэг холимог хоол нь тэжээллэг чанар ба шингэц сайтай боловч азотын балансыг тэнцвэрт байлгахад шаардагдах уургийн хэмжээ бусад орны хүнтэй харьцуулахад харьцангуй өндөр (2 г/кг/хо) байна.