Бамбай булчирхайн өөрчлөлтийн эхосонографийн судалгааны дүн, шээсэн дахь иод, нярайн цусан дахь бамбай булчирхайн эрчимжүүлэгч дааврын түвшингээр хүн амын дундах иод дутлын эмгэгийн байдлыг үнэлэх
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 2000-2001
Санхүүжилт: 6598.0 мян.төг
Түлхүүр үг : бахлуур, иоджуулсан давс, тэнэгрэл, эзэлхүүн, томролт, тироксин
Үр дүн
2000 оны байдлаар Монгол улсын хэмжээнд 7-11 насны нийт 247082 хүүхэд байгаагаас бидний судалгаанд энэ бүлэг насны хүүхдүүдийн 1.4 хувь буюу нийт 3412 хүүхэд үүнээс 1585 эрэгтэй /46.4%/, 1827 эмэгтэй /53.5%/ хүүхэд хамрагдав.
Бамбайн бахлуур
7-11 насны хүүхдүүдийн дунд бамбайн томролт буюу бахлуур 21.42% байна.
Манай орны газар нутгийн бүсчлэл бүрт ИДЭ-ийн тархалт харилцан адилгүй байна. Баруун аймгуудад 7-11 насны хүүхдийн дундах бахлуурын тохиолдол, говийн аймгуудын хүүхдүүдээс бараг 3 дахин их байна. (RR=2.76, 95% үнэний магадлал 2.18-3.49) Судалгаанд хамрагдсан жирэмсэн эмэгтэйчүүдийн дунд ИДЭ-ийн тархалт 10.8 хувьтай байна. Энэ нь бахлуурын тархалтаар ИДЭ-ийг үнэлэх үнэлэмжээр ,ИДЭ-ийн хөнгөн тархалттай, гэсэн ангилалд багтаж байна.
Шээсэн дэх иодын хэмжээ
ИДЭ-ийг шээсэн дэх иодын хэмжээгээр хянах үзүүлэлтэд жишэн дүгнэхэд ,ИДЭ дунд зэрэг, тархалттай байгааг харуулж байна.
Нярайн цусан дахь бамбай булчирхай эрчимжүүлэгч дааврын хэмжээ
Судалгааны дүнгээр нийт аймгуудад дунджаар 2.61 ulU/ml байгаа нь нярайн цусан дахь БЭД хэмжээгээр ИДЭ-ийн тархалтыг үнэлэх үнэлэмжээр ,хэвийн, гэсэн дүгнэлт өгч болохоор байна.
Бамбай булчирхайн эзлэхүүний хэмжээ /хэт авианы шинжилгээгээр/
Бамбай булчирхайн эзэлхүүнийг хүйсээр судалсан дүнгээс үзэхэд тоон утгын хувьд эрэгтэй хүүхдийн бамбай их боловч t шалгуураар үнэн магадгүй байна. (t=0.01-1.39)
Харин насаар тодорхойлсон дүнгээс үзвэл бамбай булчирхайн эзэлхүүн нас өсөх тутам нэмэгдэх хандлага ажиглагдав. (p<0.001)
Иоджуулсан давсны хэрэглээ
Иоджуулсан давсны хэрэглээг бүс нутгаар гаргаж үзэхэд төвийн бүсэд хамгийн өндөр буюу 63.6%, баруун бүсэд хамгийн бага буюу 24.3%-ийн байгаа нь статистикийн магадлал бүхий ялгаатай байдал тодорхойлогдлоо.