Малын зарим паразит өвчнүүдийн оношлогоо, сэргийлэлтийг боловсронгуй болгох судалгаа
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : ШУТ төсөл
Хугацаа: 1999-2000
Санхүүжилт: 4152.2 мян.төг
Түлхүүр үг : эсрэг төрөгч, эсрэгбием, дархлаа, варрооз, нозематоз, хачиг, шимэгчлэх
Үр дүн
1. Судалгааны дүнгээс үзэхэд хэдийгээр гуур тус бүрээс сэргийлэх бэлдмэл үр дүн сайтай байгаа боловч дээрх гурван төрлийн гуураас (үхрийн арьсны гуур, адууны хамрын болон ходоодны гуур) хам сэргийлэх бэлдмэлийн загварын хамгаалах идэвх төдийлөн найдвар төрүүлсэн үр дүн үзүүлэхгүй байна.
2. а/ Манай орны ойт хээрийн бүсэд үржүүлж буй зөгийн бүлийн 60-85% нь Varroa jacobsoni хачгаар халдварлагдсан болохыг тогтоов.
б/ Монгол орны зөгийн аж ахуйд варрооз+нозематоз, нозематоз+варрооз+кандидамикоз зэрэг хавсарсан өвчлөлүүд тохиолддогийг тогтоож түүний дотроос варрооз+нозематозын хавсарсан өвчлөл ихээр тархан бүлийн хүчийг сулруулж, аж ахуйд эдийн засгийн хохирол их учруулдаг байна.
в/ Манай орны зөгийн аж ахуйд тархсан зөгийн варроа хачиг зөгийн биед шимэгчлэх үедээ 0.354±0.007мг жинтэй, 1.3х63мм хэмжээтэй байна.